香港文匯報訊（記者 達里、梁靜儀）無綫總經理曾志偉昨晚率領旗下多位藝員，陳展鵬、蔡思貝、羅子溢、張寶兒、龔嘉欣、何廣沛、朱晨麗、張頴康、陳敏之、陳自瑤、周吉佩及李佳等，盛裝到灣仔出席《慶祝香港回歸二十五周年紀念版西鳳酒上市發佈會》。

蔡思貝近期驛馬星動，先後去了英國拍旅遊節目及加拿大宣傳節目，她表示覺得很充實及開心，因可坐飛機周圍去，終於感受到社會真的復常。她透露稍後還會有出埠機會。談到旅遊節目播出後收到一致好評，令她估不到原來大家喜歡睇她吃喝玩樂，更收到很多久未聯絡朋友的訊息，讚她做旅遊節目主持做得好，就連姜皓文（黑哥）都有傳訊息讚她做得好，睇完節目都好想去她介紹的地方，令她受寵若驚。

入場睇波 幫父完成夢想

說到她去英國拍旅遊節目有不少艷遇，更有俊男餵她進食。思貝解釋該餐廳最出名是給客人餵食，不論男女，拍攝時連幕後工作人員都有份被餵食。問到此行可有真的艷遇時，她即很大反應說：「梗係冇啦，如果有我都唔返嚟。」首次一個人去拍遊旅節目，思貝稱跟以往與余德丞一起拍節目的感覺相差很大：「因為以前可以互補不足，今次得一個人全部要一手一腳做晒，感覺上忙好多。（余德丞有冇睇你個節目？）佢有喺我社交平台留言，但寫乜就唔記得喇，同公司嘅何廣沛亦有留言，話好羨慕我可以去睇英超。」她又稱此行最大感受是入場睇波：「因為我捧嗰隊英超曼聯，正係爸爸好鍾意嘅球隊，所以爸爸都有傳訊息畀我，話我能入場睇波，係幫佢完成夢想，我知道後好心噏，一直唔知爸爸鍾意曼聯，之後睇吓有冇機會請爸爸入場睇曼聯，最可惜拍完節目臨走前去球場買件波衫畀爸爸留念，可惜當日冇開舖。」

張寶兒以超低胸及開高衩緊身長裙性感打扮現身，她笑言因夏天快來臨，平日又很少機會穿得如此隆重。問到可有給老公袁偉豪過目？寶兒笑說：「老公有睇過，佢都OK。」早前她與老公夫妻檔拍旅遊節目，一起去旅行可有加深了解？寶兒稱大家互相了解已經很足夠，但透過旅行令他們有更多不同的經歷，環境的轉換更令個人眼界擴闊及活一點。

羅子溢 小拗撬未贏過太太

羅子溢被問到日前太太楊茜堯在社交平台發文怒斥有人講大話，引來網民揣測二人鬧婚變。他表示只是太太與朋友之間有些誤會，並笑說：「老婆嘅事即係我嘅事，但自己都唔敢問太多，等佢處理好心情先。」對於被揣測夫妻感情有變，子溢認為很正常：「因為無論發生咩事都入我數好應該，如果唔入我數我就驚喇，（網民翻你舊賬，指你個底好花？）今日唔講舊時，最緊要將來幸福。」他又坦言平日兩公婆也會有小拗撬，但從來都未贏過太太：「由結婚嗰日開始已經預咗，我?家仲學識等老婆心情冷靜落嚟先。無辜被扯落水，太太之後都有跟我講句唔好意思。」他透露將於7月會遠赴馬來西亞拍攝新劇《家族繼承者》，預計於當地逗留兩至三個月，期間適逢是太太的生日，故屆時太太將飛當地一起慶生。問到太太可會再拍劇？子溢說：「有聽聞她有接觸緊，但最快也要明年才有工作。」