香港文匯報訊（記者 子棠）楊千嬅前晚在廣州海心沙亞運公園展開一連兩場《MY TREE OF LIVE》巡迴演唱會，除了場內兩萬多觀眾參與，場外亦被兩萬多核心外圍觀眾包圍，有廣州網友發圖指半個廣州都圍着楊千嬅了；湊巧千嬅登場時站在高三層樓的吊台獻唱《飛女正傳》，場內場外人群切合了她的歌詞「世界將我包圍、誓死都一齊」。

相隔四年再到廣州開騷，觀眾叫聲震天，千嬅開心道：「大家嗌到咁淒厲……把聲我好似爭了你四年前咁，不過我好鍾意呢啲聲音！其實我都係癲㗎，冇乜點變，亦知道大家都好擔心我哭崩舞台……但我忍住，因為我要好珍惜唱每一隻歌的時間，代表着我每一個人生階段遇到的你哋。」她又搞笑指自己的助聽器，只看到大家口噏噏跟住唱，並邀請大家合唱《河童》 ，看到台下的配合更令千嬅感動得閃着淚光。

千嬅還透露今次有70位親友從香港來捧場，並於鳴謝環節時多謝老公和兒子：「我個仔話唔畀我提佢，但我都要多謝佢，因為我用了很多時間去準備這個騷，好少有阿媽多謝個仔，但我要感謝佢畀咗我好多生活動力，在相處中的人生鼓勵。」她又自爆之前曾「中招」，笑稱：「記憶力愈來愈差，因此有遺漏要多謝的人唔好怪我。做一個演唱會需要好多勇氣和時間，最緊要是每一位觀眾……開場時我克服畏高，夠膽站在二十幾呎高處出場，就係希望所有山頂的朋友都見到我，其實最初真係好驚。」她又自爆前一日很低能地在綵排換衫期間，因時間太趕，除褲時太過緊張，手指公kick到隻襪，然後成條筋黐埋了，手指公不能屈曲，幸得工作人員介紹了一支藥膏給她，這晚才能拿到咪高峰。原定廣州場地限時十點前要停止演唱會，但千嬅被觀眾感動得唱到九點五十九分才衝下台。