（香港文匯報記者 阿祖）35歲江若琳（Elanne）下月預產期，她跟老公蕭唯展（Oscar）日前舉行Baby Shower（產前派對），兩公婆恩愛咀嘴甜蜜地公布BB性別，她開心寫道：「It’s a boy，好多朋友仔都估中左，好叻呀你哋！好明顯我都係一個陀仔樣，希望生完會消腫。」

江若琳又笑着恭喜老公可以父子檔睇波：「呢幾年你成日無限幻想第時有個仔同你去睇英超，你又話要有個仔第時培育佢踢足球，我每次都話有咗先講啦，到有咗嘅時候成日話一定要個仔，恭喜曬，你又夢想成真啦。登登，生煎小王子駕到，以後多個人陪你包生煎包啦，而我又多個男人錫我啦，全屋被仔包圍住好有安全感！因為我兩隻貓都係仔。」她也答謝一班好有儀式感的姐妹團送這個驚喜派對給她。

Oscar也於社交平台答謝太太：「老婆辛苦晒，你就快可以卸貨了，呢幾個月真的不簡單，所以你每次鬧我，我都唔出聲，惟有死忍，愛你不需要理由，最緊要你開心，我會好好珍惜餘下兩星期的二人世界，兒子將來一定會是一隻有雀嘅腳仔。」江若琳見字回覆「好煩」！