（香港文匯報記者 梁靜儀）袁偉豪(Ben)、張寶兒、關禮傑、林溥來(Patrick Sir)與太太關宛珊及兒子林若嘉，出席無綫全新旅遊節目《同屋企人去旅行》記者會，眾人影大合照時，Patrick Sir的囝囝林若嘉，不單大講BB話，要媽媽幫手翻譯，期間又突然走去拿飲品，Ben與寶兒見到可愛的若嘉也忍不住上前逗他玩。

節目將於(4日)晚起逢星期四、五播出，節目中關禮傑與關楓馨父女檔暢遊惠州；Patrick Sir與太太關宛珊及兒子林若嘉則北上廣州享受家庭樂；Ben及太太張寶兒則到潮汕，一日食足八餐，嘆咖啡過二人世界。

Ben與寶兒在2017年因拍旅遊節目《打工捱世界II》相戀，五年後二人就以夫妻檔形式到潮汕拍旅遊節目，Ben感觸的說︰「節目入面會講返我哋點樣相識，我哋都有幾年無一齊做一件事， 時間過得好快都幾感觸嘅！」寶兒更爆料有人喊：「節目入面仲玩咗一個感性嘅遊戲。(整喊老公？)咁要睇節目！私下都會同佢講好感性嘅嘢，但攝製隊話我好少喺鏡頭前咁樣講我嘅婚姻。」

二人上次拍完節目後就結婚，問及今次潮汕之行可會二人去三人返？Ben笑說︰「嗰幾日旅程都幾忙，真係無精神，quality都未必咁好，所以喺嗰幾日都無去諗呢件事。」他又暗示已準備當爸爸：「我諗我哋都ready試新嘗試，自己一向都鍾意小朋友，始終係一個好奇妙嘅一個人仔，好似Patrick Sir個囝囝幾得意，由我哋平時喺屋企養嚇小動物開始，一步一步，都好期待有呢一日。(新嘗試係人工受孕？)唔係，喺我哋關係入面多一個新身份，拍拖至今五年都係二人世界，總之有新嘗試， 等我Keep返好啲先，順其自然，冇得強求。」寶兒亦稱不用開工都會保持好體魄。

此外，Ben又透露已開了工作室，日後會全力集中音樂發展，今個月會推出第三首新曲，問到可會減少拍劇？他說：「會盡量平衡工作，過去十幾年都係拍劇為主，音樂都係我年青時想做嘅嘢。」

另外，首次單獨與女兒關楓馨去旅行的關禮傑自爆，因為日間食得太多，食到胃漲，結果晚上開工時胃痛要入院，他笑說：「 但都係開心嘅行程，因為行程係個女揀嘅，我哋有去浸溫泉、玩高卡車。」