為新歌辦快閃展覽 陳奕迅題字「係咁咦」

香港文匯報訊（記者 阿祖）陳奕迅（Eason）昨天起一連兩天於銅鑼灣為新歌《塵大師》舉行快閃展覽，昨日中午12點，Eason現身「塵大館」，為「塵大館」舉行開幕儀式，有過千人排隊拿籌，昨午進場人數增至六百多人，尚有四百幾人等候中。天文台昨日發出黃雨警告，但上天非常愛護「塵大師」，整個開幕儀式大約半小時，天清氣朗，讓歌迷可以跟Eason近距離小團圓，十分開心。到Eason離開20分鐘後，天才開始變黑及下雨，而大會亦一早安排了歌迷今早11時排隊領籌，可以按時再回來館中打卡，所以歌迷也不必受風吹雨打，非常細心。

Eason到場時，先向歌迷打招呼，然後笑道：「嘩！好耐冇試過做這些活動，覺得自己好像返回剛出道時期，哈哈……」但見對面馬路及街外也開始圍滿人，Eason不停提大家：「小心睇車，最緊要安全。」繼而他再道：「哎吔，有啲害羞添，同大家好近，但係又好開心好開心見到大家，好彩冇落雨，好多謝你哋！」有歌迷狂叫「我帶埋個仔來見你呀」、「我鍾意咗你十幾年啦」等，七嘴八舌令Eason也回應不及。

之後他坐下來，為「塵大館」親手題字作開幕儀式，題上「係咁咦」三個大字後，再高舉給歌迷拍照留念，現場幾百人歡呼及跟着他一起大叫「咦…… 」響遍整條街，氣氛非常歡樂。題完字，他又自讚：「其實我寫得唔錯，哈哈。呢個空間其實係我一班好有心同事搞出來，雖然空間有限，時間有限，咁都希望大家一陣可以耐心等候，其實我昨晚已經偷偷來咗先， 希望大家一陣入到去時，可以感受一下呢隻歌，領悟到做人『係咁咦』，放鬆啲嘅態度。」

歌迷逼爆京士頓街

離開時，大量歌迷希望接觸到Eason，要求握手，又想簽名，Eason心軟簽了部分，但人潮愈來愈多，擠得整條京士頓街水洩不通，工作人員及保安要迫令他離去，結束這次快閃活動。

前晚，Eason率先偷偷夜訪「塵大館」，幫忙工作人員為扭蛋機入蛋，為整個館掃塵、又第一個試扭蛋，對應拿籤文。發覺籤文原來要浸水才可顯影，令他覺得十分搞鬼得意，最後他抽到限量的「巨吉」，果然行運一條龍。