◆Kathy接受兩位男士的稱讚,感到飄飄然。

香港文匯報訊(記者 子棠)周汶錡(Kathy)作客昨晚的一集《鋪鋪 Poker》,牌局開始前Kathy已講明只是稍懂Poker卻不精,但有股「唔輸得」的個性;主持人劉浩龍(師兄)大讚Kathy很有吸引力,亦表明「唔敢望過去」說︰「我都擔心唔識玩牌,Kathy嘅妹妹周勵淇(Niki)唔似Kathy、冇咁elegant,不過玩得。」Kathy就拍拍師兄膊頭笑笑口道︰「你大件事嘞咁樣講嘢,小心喎!」

另一位主持人郭偉亮(Eric)提到一段與Kathy的淵源:「多年前我曾以二人組合Swing身份,跟Kathy繑住手行catwalk出場,可謂美夢成真。」師兄即抵死取笑Eric︰「繑住行咪高你一個頭?」Eric完全不介意還自嘲全程要抬高頭才望到Kathy。

模特兒出身的Kathy也大方分享行天橋的最蝦碌事件︰「試過好大鑊,好尷尬,成個人向後仆跣低喺台,四腳朝天,鞋都唔知甩咗去邊;因現場要做飄雪效果,搞到地下好跣,連埋嚟扶我嘅工作人員都跣低。」師兄亦指曾行過天橋並「眼界大開」,原來模特兒在後台都是一絲不掛。