《廉政狙擊》大結局將至　畢Sir、家晴兩角色陣亡

香港文匯報訊(記者 梁靜儀)《廉政狙擊》之前盛傳結局「死得人多」，昨晚(23日)及今晚一集先後有兩大重要角色陣亡，分別是奸變忠的「無間道」畢Sir(陳展鵬 飾)，及全劇最純品的家晴(黃智雯 飾)。昨晚劇情講述對以凡(吳卓羲 飾)一往情深的家晴，因以凡以懷疑屠敏(胡定欣 飾)利用家晴調查自己為由提出分手，並直斥屠敏「不擇手段」。大受打擊的家晴潛入屠敏辦公室翻看機密文件，並將重要證據偷拍給以凡;知道遭好姊妹「出賣」的屠敏與家晴發生爭執，並著單純的家晴離開以凡。另邊廂以凡及卓廷光(黃智賢 飾)得悉遭屠敏設局後，廷光即找人打斷屠敏另一隻腳，千鈞一髮之際家晴趕到救起屠敏，混亂間家晴慘中鐵鎚重傷昏迷，延至今晚一集傷重不治。家晴臨終前，屠敏、子峰(黃宗澤 飾)、繼明(王浩信 飾)及曉山(蔡思貝 飾)等齊集醫院送別好友，唯獨家晴一直最期待的以凡一直未有現身，最終家晴哼着《友共情》撒手人寰，情景傷感。

更洋蔥的是，原來家晴生前錄了一首以「友情」為主的歌曲送給子峰、繼明、以凡及屠敏，該首歌曲將會在今晚播出一集曝光。劇組為此找來負責《廉政》所有配樂的音樂人莊冬昕、為該首原創歌曲作曲，雖然Mandy已非首次為《廉政》獻聲，但由於該首曲算是度身訂造，所以Mandy坦言錄音時興奮又緊張：「當我知道有屬於自己角色嘅原創歌真係好開心又好榮幸，第一我未試過喺原創劇入面唱歌啦，仲要係原創歌曲，所以入到錄音室又興奮又緊張。其實首歌唔係好長，melody好簡潔有文青感，我收到到嘅指引係錄出嚟要完全唔係黃智雯，要有種台灣小清新嘅感覺。」

Mandy續指為劇集灌錄所有歌曲過程順利，前後共花了四至六小時，又為角色重新找專人一對一練彈結他。對於獲工作人員讚賞可以出道做歌手，Mandy：「我都希望如果將來真係有機會唱歌，會有新嘅感覺畀到觀眾，因為始終拍劇咁多年會有框框，都希望透過唔同嘅角色或者唱歌，將唔同嘅面向帶畀觀眾睇。」

談到全劇最深刻場口，Mandy指是家晴離世一幕，主動提議臨終戲加插唱歌場口。入行十五年的她，原來是第一次接到會死的角色：「我今次係第一次個角色會死，同埋我覺得佢都帶住遺憾離開，因為去到最後臨斷氣嗰刻，佢依然希望以凡會出現，我記得喺現場我有同導演講，方家晴一生就係一個情字，親情、友情、愛情，仲有音樂都係佢人生重要一部分，所以我就提議不如佢唱住《友共情》離開人世，因為家晴窮盡一生就係希望搵番呢幾位朋友，唱住歌佢會完結得好有記憶點，亦都好代表到家晴嘅一生。」