香港文匯報訊（記者 子棠）李克勤久違六年再踏紅館，定於5月13日至16日舉行《弦續李克勤·港樂演唱會》，門票於本月22日優先訂購，29日公開發售。為隆重其事，克勤與港樂近六十人大樂隊特地移師到演奏廳拍攝宣傳海報，並且由早上影到傍晚。

克勤與香港管弦樂團相隔20年再度合作舉行紅館演唱會，海報設計上以濃濃友情作出發，用兒時玩具帶出由細玩到大的溫馨及歡樂，平日總是西裝骨骨、正襟危坐的管弦樂團，也像小朋友一樣拿着玩具，與克勤你打我鬧的神態，已經感受到這是一個繽紛歡樂的演唱會。克勤笑着說：「影海報當然心情極度興奮，今次好大陣仗，人多勢眾，好熱鬧，好開心，回想到上一次合作，已經係20年前，當年我只係七八歲，哈哈…… 感覺係識個朋友20年，再一次合作，大家無論係感情、功力上都有升華。今次張海報主要係想表達音樂可以有好嚴肅一面，亦可以好輕鬆快樂， 個騷好認真做亦可以好好玩。」

是次挑選西裝拍照，克勤謂是由老婆負責揀衫：「我拆開個衫袋，以為自己帶少咗襯衫，點知打畀老婆，佢話你識咩，總之入面真空，乜都唔使着，咁先靚。老婆話乜就乜……係覺得入面涼浸浸。影相嗰陣有工作人員竟然提醒我，李生你走光了！」

邀猛人任嘉賓

克勤又謂，疫情之後相信每一個對音樂有憧憬的歌手都等到頸長，好希望再一次紅館做騷：「我希望歌迷觀眾可以多些參與，歌迷可在社交媒體留言想聽咩歌，同我一齊揀歌，希望帶畀大家震撼的音樂盛宴，操練方面，我一向都做大量運動，唔係打波就踢波，所以都唔使點狂操。」克勤透露其中一晚仲會有一個來頭好猛的嘉賓！