（大公文匯全媒體記者 陳惠芳）時裝界名媛蔡天鳳（Abby Choi）因「奪宅殺機」而慘遭肢解烹屍，死者涉案前夫一家4口早前先後落網。姓鄺前夫、前家翁及前大伯被控一項謀殺罪，而前家姑則被指疑在案發後刪除訊息及通話記錄，被控妨礙司法公正罪，今早（27日）由囚車押往九龍城法院提堂。

英皇前歌手周英杰（現名清晞誦）是蔡天鳳生前的好友。他接受訪問，指好友遇害後有慰問蔡家及蔡天鳳現任丈夫Chris。他說：「有一晚，Abby媽媽話Abby報夢畀佢，話佢喺一個地方，有好多狗吠同馬騮，喺大埔。Abby媽咪一世人都未去過大埔，但係佢發咗咁樣嘅夢，之後都有同警方講，而警方亦搵到個地方。我聽完都毛管戙，但真係！」他表示Abby媽媽連日夢見到女兒：「佢都希望個女有咩都同佢講。而Chris就話九龍塘屋企從來冇出現飛蛾，但尋晚出現一隻，仲成晚冇飛走，佢覺得係Abby。」

周英杰指曾與Abby前夫有過一面之緣，他說︰「我女友覺得呢個人好怪，人家整親腳要嚟治療，佢竟然叫人唔好睇醫生，同佢去賭！」事後他才得悉此人是Abby的前夫Alex：「Abby當時仲話前夫同Chris好friend。Abby個人好好，佢從來冇講前夫半句壞話。」

周英杰又言Abby雖出身富裕之家，但她更遺傳了媽媽的投資之道，而且Abby從來不是想做Model：「她是好多名牌超級vip，大牌子特登邀請她行Catwalk。之前她去了巴黎，品牌幫佢出機票，搵成隊Crew跟住佢，有埋化妝、整頭、攝影師幫佢拍攝，她在這情況下才做Model，否則她根本不當自己是Model。她心中只心繫四個子女及愛護動物。我同女友到依家仍然好難接受件事，我們都要需要見心理輔導。」

周英杰與Abby相識多年，大讚蔡天鳳心地善良，充滿愛，對家人以及四個子女，照顧得無微不至，尤其與前夫育有的一對孩子：「Abby覺得同前夫生的一對仔女，因為唔係一齊住，覺得佢哋瞓醒唔見媽咪，對佢哋有虧欠，所以特別見嗰兩個小朋友多啲，Chris亦對嗰兩個小朋友錫到燶。」而現任奶奶亦很愛錫她，周英杰稱奶奶一點都不介意，覺得每個人都有自己過去，雖然兩人沒有血緣關係，但已經視為女兒般看待。