藉詞選舉開支撞車等向「同路人」度水 近70苦主圍爐聲討
「牆倒眾人推，破鼓萬人捶」，可謂攬炒分子最真實嘅寫照。2021年香港文匯報已報道過，攬炒派前元朗區議員張秀賢喺連登討論區被踢爆「借錢唔還」等劣行。時隔近兩年，再次有所謂「手足」發文聲討。攬炒派的「財經專欄作家」渾水日前發帖文意有所指地稱，「某人」經常以不同藉口向朋友或「同路人」借錢，「例如選舉開支，借錢應急周轉，自己撞車，家人撞車，要去台灣發展水果事業……」然後用這些錢「買車、和女友去外國旅行幾個月」等等。帖文一出，引起熱烈反響，同屬攬炒派中人的Chickeeduck創辦人周小龍留言直指：「其實係人都知係張秀賢，開名重（仲）好啦，等其他人可以小心……」隨後有多達近70名「苦主」在Telegram建立群組「T苦主爐」（「T」意思應指張的英文名Tommy），訴說被借錢不還的經過。◆香港文匯報記者 藍松山
件事源於渾水1月25日在社交平台發帖，他稱近日到中菜餐廳用膳，與友人談起「一位頗出名的共同相知」，仲形容佢係「一位社會知名人士，鎂光燈外，是很著名借錢不還嘅債仔。我是他的債主，他對我的訊（信）息多次已讀不回，同席友人說他知道我今日赴會飲茶，為了避我，沒有出席」云云，更指「他的借錢網絡還真是頗為龐大，左中右都有，身邊的朋友借到盡，以前做議員的義工、助理和街坊都借到盡，舊同學莊員也下手。」
渾水提到，有唔少身邊嘅朋友都俾佢問過（借錢），「這些朋友全部都來自不同社交網絡，彼此不相熟，但都被同一人求過借錢，可見他的人物（脈）網路（絡）實力實在非常龐大。」仲話：「他用過的藉口很多，例如選舉開支，借錢應急周轉，自己撞車，家人撞車，要去台灣發展水果事業……」又指佢「借錢後的他有段短時間頗為高調，買車、和女友去外國旅行幾個月、食好西、買名牌，物質生活過得比我還要富足」。
周小龍：開名仲好 等其他人小心
雖然渾水無喺帖中直接「開名」，不過，周小龍就留言直指：「其實係人都知係張秀賢，開名重（仲）好啦，等其他人可以小心，同埋希望張秀賢可以改過自新，重新做人。」對此渾水亦無否認。
「人民力量」前主席袁彌明亦留言指，「其實係完全無理由借比（畀）呢個人。咁後生，有手有腳有名，無死人冧樓絕症。當係你地（哋）班苦主上寶貴一課。」睇嚟都清楚帖中所指嘅係邊個啦！
借款由數萬至近百萬元不等
帖文一出，就引起廣泛流傳，至昨日已有超過180次分享。一石激起千重浪，網媒《獨立媒體》報道，指多方消息確認文中所指的人是張秀賢，更有「知情者」指，一眾「苦主」為此事特意建立了一個Telegram群組，名為「T苦主爐」。
據悉，截至昨日中午，該群組內已有近70人，包括前區議員、「社運人士」、前度女友、前記者等。眾人在群組內主要談論「都係各自呻下，比（畀）人呃咗幾多錢」，而「某人」借錢理由包括「阿媽要做手術」、「屋企人有事」等。據了解，各人借出的款項由數萬元至近一百萬元不等。
睇返留言，都可見張秀賢借錢網絡既廣且長。網民「軒翥而翔」指自己不是「苦主」，但有5次機會成為「苦主」。「第一次在2017年。呢個mode（模式）原來都run（運行）左（咗）6年。」網民「Lorra Alsace」亦留言表示：「身邊好多『苦主』。」
香港文匯報記者睇返，張秀賢的Facebook自去年7月21日後便再無更新，最近的帖子中近日出現大量網民留言。「Wai Lau」表示：「還返錢比（畀）人啦」，「Kris Lee」則問到，「請問幾時退款？搵極冇人覆。」而「Patti Cheung」都問：「請問何時安排退款？」
張間接認傳聞部分正確
有網媒其後搵到張秀賢，張話暫時未能作出回應，「要睇睇先。」其後，他主動再聯絡該網媒的記者「補充」稱，相關傳聞「有啲可能唔係真」。哭，咁即係認「有」係真？張秀賢之後再回覆另一媒體查詢時就話「謹此致歉」，聲言會「積極面對和解決事件」喎。
廣告都有話「借定唔借，還得到先好借」，然而攬炒分子又點會咁樣正常思考，正如「Peter Chan」留言話：「呢啲真係憑本事借錢，做乜要還呀？」究竟係句笑話？定係攬炒分子心中所想？咁就真係各有各解讀啦！
0
已點過讚
0 / 255