53歲陳淑蘭自嘲年紀大機器壞

香港文匯報訊（記者 梁靜儀）陳淑蘭（蘭子）與邵珮詩昨日為活動擔任模特兒，蘇志威也偕同太太劉小慧前來睇騷。

蘭子表示久未有行天橋，加上最近膝蓋關節軟組織退化，早前更要注射骨膠原，故昨日要穿上3吋高跟鞋行天橋都有點擔心，幸好最後都順利完成。年逾50的蘭子又自嘲年紀大機器壞：「五十肩、富貴包又嚟，唔到自己唔認老。」

現時只返電台主持節目的蘭子，表示已經很久沒拍電影，她又說：「10年前拍電影已做鄭秀文阿媽，現在可能要做阿嫲，但我不介意。」聖誕將至，蘭子表示96歲的媽媽於今年5月離世，故今個聖誕也不打算出外旅行及慶祝，她說：「媽媽今年年廿八入院，拖咗好耐，我好擔心，成年都為咗咁而頻撲，2022年係好煎熬嘅一年，都好矛盾，見佢老人家好受苦，真係好唔捨得，一方面不想媽咪受苦，但另一方面又唔捨得佢離開，因為由細到大，媽咪都好錫我、好遷就我，以前曾發夢媽咪死咗大喊一場，今年就終於發生咗，好彩身邊有好多朋友陪我渡過難關。」

另外，邵珮詩早前默認與處境劇《愛·回家開心速遞》中的「書蟲」林浩文4年情結束。邵珮詩表示一年之中最重視聖誕節，因為家人都不在港，希望有多些朋友邀請她慶祝聖誕，或有多些工作。問到沒有男生約她嗎？她說：「冇，對男仔來說可能會覺得同我有距離感。」