香港文匯報訊（記者 梁靜儀）無綫綜藝節目《中年好聲音》前日一集再有13人直接晉級50強，當中再有3人奪得5盞燈滿分成績，分別是何博文、林鉫徫及支嚳儀。而梁德欣背後的故事亦相當感人。

38歲林鉫徫是一位歌唱老師，惟她的中性打扮受盡不少冷語，她說：「有啲家長要求老師一定要長頭髮同着裙，咁佢先會畀小朋友跟呢個老師學，我自己有啲深深不忿，希望透過呢個節目為自己平反，其實唱歌係一個興趣，無關外形同性別事！」鉫徫獻唱《命硬》成功得到五盞燈。

36歲支嚳儀是一位自助烘焙店東主，她透露：「以前媽咪一路反對我入行，但係我𠵱家結咗婚生咗仔，仲創咗業做老闆，佢唔會唔畀我玩喇！」當日她的媽媽亦有到場為愛女打氣。支嚳儀挑戰高難度獻唱《假如》，最終獲得5盞燈爆分成績。

44歲梁德欣是一位全職媽媽，亦是一位紅斑狼瘡症患者，她說：「好想鼓勵長期病患嘅朋友、病友同埋媽媽們，我哋都可以勇敢追夢，活得好精彩！」德欣獻唱《小天使》送給媽媽，皆因媽媽為了她專誠學習中醫。肥媽鼓勵她說：「呢個世界係好公平，點解個天會畀個病你？因為個天覺得你承受得到，或者係因為學你話齋，好少同佢（媽媽）講多謝你、好愛你，我哋成日覺得家人嘅愛係必然，但你可唔可以同佢講聲I love you啫，只要你得閒打畀媽媽講聲I love you，咁就得架喇！」