香港文匯報訊（記者 梁靜儀）黎耀祥（祥仔）、陳自瑤、蕭正楠、張振朗、黃浩然及賴慰玲等，前晚到電視城替《開心無敵獎門人》錄影，加入成為「獎老」之一的落選港姐徐麟當晚以仙子造型亮相。

剛由內地回港的祥仔，相隔十年再亮相《獎門人》，他笑言是專程回港上節目，因很難得可以上來玩。祥仔早前在內地3個月，其間為網絡大電影再演經典角色「豬八戒」，他說：「最初擔心自己年紀大，體力未必可再應付，但個導演睇TVB劇大，好有情意結，加上對方真係好有誠意， 都想睇下自己二十幾年後再演係點， 因為係客串，戲份唔多都OK。」

之前有傳祥仔主演的新劇《輕·功》是台慶劇，但最終沒有份，他說：「聽監製講可能遲一檔12月先，（冇得爭視帝？）我冇㗎喇，仲有嘅咩？TVB人才輩出，留畀後起之秀。」說到無綫有意開拍《巾幗梟雄4》，祥仔表示一直在等開拍，又笑言自己有很多檔期，叫到就可以隨時埋位。

身旁的蕭正楠就乘機叫祥仔將他推薦給《巾》的監製，他又表示出道已20年，打算開音樂會。問到是否回歸樂壇？他笑說：「睇吓佢收唔收我啦。」談到太太黃翠如近日經常與好友唐詩詠遊山玩水，阿蕭說：「佢係趁我唔喺度嘅時候幫我Mon住太太。（有冇介紹男仔畀詩詠識？）佢咁優質，唔使介紹啦。」

陳自瑤學做生意

陳自瑤（Yoyo）透露最近計劃學做有關健康養生的生意，問到是否想靠自己？她說 ：「唔係，一直都想做生意，之前因為拍劇冇時間搞，（同好姊妹合資？）唔係，係小小生意啫。」

Yoyo表示仍會繼續拍劇，問到分配時間？她說：「實分配到，我又唔係做到上市。（何時再拍劇？）未收到公司通告。」她又稱早前完成了廣告硬照拍攝工作，跟健康食品生意兩者並無抵觸。

此外，據CSM媒介研究及YOUBORA收視資料數據顯示，於前日播出的《開心無敵獎門人》，請來林敏驄、江美儀等一班台慶劇《下流上車族》演員擔任嘉賓，收視告捷，最高收視 23.6 點（154 萬觀眾），上升 1.5 點。