香港文匯報訊（記者 李思穎）近期人氣急升的丁子朗（丁丁）接受主持潘盈慧訪問，大談入行5年多的趣事及心路歷程，他為追尋演藝夢，2016年由加拿大單身來港，以19歲之齡參選香港先生奪得亞軍成功入行。他坦言父母當時並不支持他的決定：「父母真係擔心我食唔飽、着唔暖，反問係咪要養到我30歲？當時同佢哋講這些機會一生人得一次，不想錯失機會而後悔。」他特別感激汪明荃對自己的提攜，又自爆曾為超級英雄電影《尚氣》試鏡，並以已進軍荷里活的陳法拉為學習目標。

節目中，丁子朗分享了其中一次非常難忘的主持經歷：「有一次我同Liza姐（汪明荃）做粵劇騷，因為我對粵劇不太熟悉，結果把粵曲名講錯，所有觀眾都望住我NG，我成個人都慌晒；當時Liza姐同我講：『你放心慢慢做』，仲同我講返啲名係點樣嚟。呢次可以話係我主持路上嘅轉捩點，令我覺得要好認真咁做一個有感染力嘅司儀。」除了用心教導丁丁，Liza姐更提攜丁丁上節目，令丁丁十分感恩：「兩年前有一個節目，初頭冇我份，係Liza姐同監製講，點解唔用丁丁呀，加埋佢落去啦！』所以好想多謝阿姐不斷提攜同畀機會我，如果冇阿姐咁疼惜我，我諗𠵱家嘅丁子朗仲係一個薯仔。」

稱與戴祖儀無火花

今年憑《青春不要臉》正式升呢男主角的丁丁，透露演戲初期曾遭遇不少挫折，更曾被劇組工作人員鬧爆：「通常我哋開廠都會開到好夜，咁大家自然都好攰。有一次有個位臨尾反應係要我笑，拍完這鏡頭大家就可以收工，但我就笑極都笑唔到、好唔自然，當時現場大家都好躁。直情有人話我：『你擘大個口啦，你擘大我哋就收工架喇！』我作為一個新人當然好驚，對於我亦係好大打擊。」自此他便先後報讀了鍾景輝、韋羅莎、彭秀慧等多個演藝課程，並終於在拍攝《七公主》時開始掌握方向，而其中被劉佩玥飾演角色誣捏強姦的官司戲，他全身投入角色，忘記自己在做緊戲。

談到與《青春不要臉》拍檔戴祖儀傳緋聞，丁丁謂：「識咗佢太耐，成三、四年，火花已經冇咗，維持做朋友係非常之好嘅決定，如果𠵱家拍拖，唔通40歲先嚟工作咩。」奪得「飛躍進步男藝員」獎後的他，恍如打了強心針，得到肯定，更加認為自己在演員呢條路上要去得更加遠，更會朝住攞視帝的目標努力。他自爆曾為超級英雄電影《尚氣》試鏡，並視前輩陳法拉為學習目標：「佢幾年前仍在TVB工作，用過佢嘅監製𠵱家都用緊我哋，佢畀到信心我哋一班香港演員，只要夠膽諗遠些，或者就可以去到更遠。」

至於上月底才度過生日的陳法拉這陣子分別在米蘭、巴黎兩地出席不同時裝騷，並自去年情人節宣布自己成為新手媽媽後，首度亮出的「小纖腰」令人眼前一亮！