薛影儀關心疫情無意拍拖

香港文匯報訊（記者 梁靜儀）亞洲電視昨日舉行新春團拜，亞視執行董事陳偉傑及鄧寶儀、亞洲心動娛樂董事Philip Ma帶領一眾亞姐舉行切燒豬儀式。陳偉傑表示，現正籌備65周年台慶大型活動。

「亞視一姐」薛影儀和前亞姐范莎莎一起受訪，兩人被問到今年疫情下利是進賬如何？范莎莎興奮說：「今年最大封利是有5位數，係一位好朋友畀我，仲要打孖上。」 薛影儀則表示近日受疫情影響未有外出拜年，因此利是並不多。她說：「我住元朗，屋邨嗰度有幾個人確診，要去檢測，好彩唔使隔離，新年只留喺屋企食盆菜。」

提到昨日有600多宗確診個案，范莎莎聞言亦大表驚訝，她表示自己居於屯門，之前屯門區都有確診個案，幸好住所位置較偏僻，影響不算太大。她又指有廣告工作亦受疫情影響要押後。

新年期間薛影儀和幾位亞姐合唱的賀年歌《888賀年歌》，MV點擊率高達六位數，薛影儀卻一臉苦惱，並自爆在網上受粉絲「騷擾」，她說：「有啲粉絲好煩，喺IG騷擾我，向我求婚又示愛，我覺得佢哋係假，唔信得過，所以block（封鎖）咗佢哋。（點先算真？）睇吓佢係咪真心，（如果網友約你可會出去見面？）我都唔會出去見面。（新一年可想有桃花運？）大家都想行桃花運，不過我暫時唔想識男仔，唔係公司唔畀，係我現時比較關心疫情，好多人都冇工開，最好快啲唔使戴口罩啦。」