香港文匯報訊（記者 梁靜儀）一眾青春藝人余德丞、丁子朗、戴祖儀、伍樂怡、林正峰及游嘉欣等，昨日出席將軍澳電視城《青春不要臉》「活力·十一」記者會，眾人以劇中懷舊造型亮相，並重現經典表演項目「心口碎大石」及「雙腳踩雞蛋」等，並由監製潘嘉德及林肯率領一眾演員啟動錄影帶，宣布劇集當晚首播。在表演「心口碎大石」時卻出了意外，余德丞慘被伍樂怡擊中要害，同場加演「男人最痛」。而丁子朗則透露與戴祖儀有多場咀戲，更不慎咬爆對方嘴唇，流血收場。

昨日宣傳活動上，余德丞與丁子朗重演「心口碎大石」一幕，戴祖儀與伍樂怡則負責拿起道具鐵錘不停扑開大石，更意外扑中余德丞重要部位，痛得他即時推開大石，並一臉痛苦撳住下體，事後他更說：「我都有啲擔心……」

相隔三年多再拍劇的余德丞，劇中跟劉穎鏇（Tiffany）及伍樂怡都有談情及咀戲，不過他強調只是青蜓點水式：「我拍完都仲要講唔好意思，激情戲都交畀丁子朗，佢至係真正艷福無邊。」他又謂經過今次拍咀戲後才發現拍咀戲要好有技巧，要咀得好睇唔容易：「以為咀得到就OK，原來唔係，有時我個嘴會咬咗對手個嘴，望落去好似係，但當然唔係，（而家拍咀戲好叻？）好耐冇練習，希望好快再有得練習，（幾耐冇練習？）都有大半年 。」他大讚與Tiffany溝通得好好，又有提點他。說到因對方經常有練習（咀嘴？）他說：「係呀，佢係好愛惜對手嘅人，記得我有場跌落山崖戲，我喺山崖側邊，Tiffany全程捉住我，驚我有意外，都好感激呢個對手，希望佢快啲返港。」

戴祖儀期待愛人出現

丁子朗透露與戴祖儀有多場咀戲，其中一場激情動作戲，他更因拍攝時太過投入，不慎咬爆對方嘴唇：「今次都真係幾破格，挑戰觀眾底線，因為認真忘我，所以我唔小心咬損咗佢個嘴唇，我有問佢個唇有冇事，個人唔係好Care，呢場戲算係我入行以來最激，我仲會扯祖儀件衫，總之大家見到破格嘅丁子朗。」他又大讚祖儀是好對手，加上大家是好朋友，所以拍攝時很有默契非常舒服，希望觀眾睇的時候會覺得好笑又浪漫。

戴祖儀對於與丁子朗拍激情動作戲時被對方咬爆嘴唇，她笑說：「我人生印象中未試過俾人咬爆嘴，拍嗰陣時痛咗一下，導演之後叫Cut，我就見到個嘴有血。（咁投入？）我哋好專業嘛，本身同丁子朗合作過好多次，拍之前有溝通同試位，可以好投入咁去做，大家對大家都冇乜抱歉。（會唔會咬出愛火？）呢3星期佢係我唯一嘅愛，但我都期待下一個愛。」祖儀又笑言劇中會扮醜女，可說是盡地一煲，對她而言算很大犧牲。