香港文匯報訊（記者 梁靜儀）炎明熹（Gigi）、姚焯菲（Chantel）、詹天文（Windy）、張馳豪（Aska）、冼靖峰（Archie）等主演的無綫青春劇《青春本我》前晚首播，一眾演員齊以校服造型現身電視城睇首播，總經理曾志偉當晚亦有現身支持，但就未有接受訪問。炎明熹拍喊戲獲讚賞，原來是向細8歲的妹妹偷師。姚焯菲則獲歌迷會前晚出動應援車到電視城外聲援劇集首播，聲勢奪人。

炎明熹表示終於可收睇自己的演出，感到少少緊張加少少興奮。Chantel則表示：「雖然好興奮，但怕睇到自己嘅場面會尷尬，就算拍攝時睇Playback都會有少少尷尬，（朋友會唔會捧場？）有啲朋友話好有興趣睇，另外有啲就唔識廣東話。」Gigi坦言有部分同學也表示會收睇，但有部分同學就無動於衷，因沒有太留意。

戲中要演喊戲的Gigi，就連總導演李敏都大讚，她表示全部都是真眼淚：「我眼睛太乾了，滴眼水會吸收晒，（平日易喊？）唔會，我好堅強，（李敏話你喊到下巴震？）我以前喊，下巴唔會震，可能係睇到比我細8歲嘅細妹喊得多，佢喊嗰時下巴會震。」

Chantel坦承喊戲靠滴眼藥水

Chantel就指劇中每位演員都有喊戲，直言對拍喊戲感到有少少困難的她，自爆只有一場是用真眼淚上陣，其他都是靠滴眼藥水。

另外，Chantel的歌迷會前晚出動應援車到電視城外聲援，她大讚粉絲們很醒目：「我知佢哋有個群組，每日都會開會傾，知佢哋用咗好多時間同錢，為咗支持我首新歌同劇集，（得你一個有應援車，威過其他人？）又唔會，佢哋啲Fans Club都好勁，不過如果我係Fans就唔會搞，因為我好懶。」Gigi被問到可想有應援車？她說：「睇佢哋意願，佢哋想搞就搞。」不過她就提醒Fans要儲錢，不要亂花錢。

張馳豪（Aska）表示對於自己的演出興奮多於緊張，但見到自己個樣會有點尷尬。冼靖峰（Archie）亦稱不會緊張，因為最緊張反而拍攝時，劇集拍了個多月，現在是享受成件事的時候。問到二人可想再拍劇？Aska說：「好幸運遇到好好嘅劇組，覺得好好玩。」而Archie則說：「拍劇好玩之外，仲對唱歌好有幫助，以前我唔會對鏡頭咁敏感同唔識走位。」

劇中Aska飾演校草，他表示只有潘靜文一人暗戀他，但已經足夠，問到有否感情戲？他笑說：「我哋有感情線，係好康嗰種，連手都冇拖，係好Pure嘅感情。」而Archie在戲中就會與蔡愷穎（Lolita）有感情線，他笑說：「我同Lolita乜都冇做過，導演話唔好掂到對方，希望做到Puppy love嘅感覺。」

冼靖峰童年肥仔照曝光

另外，劇集播出後，在網上的討論度頗高，其中飾演Aska妹妹的Windy被讚努力減肥後，顏值比起參選《聲夢》時有飛躍式進步，而她一秒變失望的表情亦獲讚很到位；而另一獲讚演技的是林君蓮（蓮姐），其「眼神死」及「黑面式」演技，被讚具個人風格，而Gigi劇中可愛貓咪「春卷」亦受人關注。另外，Rock及Archie等人的童年照更在劇中曝光，現時身形偏瘦的Archie，童年時原來是可愛四眼肥仔一名。