高音翻唱《倒轉地球》成熱話 糖妹想邀陶大宇上《勁歌金曲》

香港文匯報訊（記者 梁靜儀）郭偉亮、糖妹（黃山怡）、林奕匡、伍富橋、安俊豪及林君蓮等，昨日於電視城錄影《勁歌金曲》。

「師奶殺手」陶大宇翻唱劉德華的經典歌《倒轉地球》成為網上熱話，糖妹表示身邊好多朋友都在討論，因她之前未有看過，被身邊朋友嘲笑。在場記者隨即給她翻看片段，糖妹睇得相當入神，睇完更模仿大宇的唱腔，十分搞笑。

糖妹說：「頭一吓聽，覺似著名男高音莫華倫，都好開心，年底有樣嘢帶到歡樂畀大家，其實商演好多時都聽唔到自己把聲，所以我好明白佢用莫華倫式唱法，唱到咁高音好難。」她又指未見過大宇如此有趣可愛的一面， 覺得很正， 因以往他於電視劇中的角色都是威風凜凜。

問到會否邀請大宇上節目任嘉賓？糖妹期待的說：「可以咩？上嚟唱《倒轉地球》？有機會都係好事，因為節目好需要好多新元素，多啲前輩上嚟都好。（咁咪似《流行經典50年》？）舊歌係需要重溫，舊歌好多都好好聽， 我自己近日都聽返山口百惠。」

林奕匡忙替葉巧琳寫歌

換任節目嘉賓的林奕匡表示近日除忙於宣傳自己的新專輯外，還忙於為同公司的葉巧琳寫歌。問到為何有此構思？他說：「我哋認識十年，當年她參加歌唱比賽，我做評判，都有Mark佢冠軍，最後佢都得冠軍，都算有緣分，但大家同公司咁耐都冇寫歌畀佢。」

他指新歌歌名叫《難道我還未夠難》，講葉巧琳在這行的故事。由於今次是葉巧琳專程找他寫歌，所以有一定的壓力，算是他最大壓力的Project。他又稱原本做完新碟宣傳便休息，但現時又要忙於寫歌，他笑說：「我一啲都唔恨去旅行，我喜歡工作，想做多啲。（太太冇投訴？）太太都鍾意旅行，佢都要放吓假，但冇計。」

安俊豪表示正密鑼緊鼓為星期日晚舉行的慈善音樂會積極排練，今次音樂會他坦言需要挑戰跳唱，亦有些高難度歌曲，因此感到有不少壓力，但他會努力，希望可以給大家驚喜。