大公文匯全媒體報道：唔少黃絲移民到外國後不停出醜，一名喺英國擔任翻譯嘅網友將佢哋嘅「笑料」分享畀大家，大爆有一群BNOers(BNO移民人士)違法放煙花被警察警告，卻拒絕合作，並使出絕技「發老爛＋唔鹹唔淡嘅疑似英文」同警察理論，結果被鎖上手扣帶上警車，被控擾亂公共秩序和社會治安。

樓主話「原來某啲英文係要識中文先至可以明白」，點解呢？事緣喺蘇格蘭（Scotland）今年起，放煙花有新例限制，然而有三個BNO移民家庭違例。接到翻譯工作的樓主表示，當晚到警局了解後，發現原本警察只係想口頭警告佢哋唔可以放煙花，同埋唔好咁嘈，因為佢哋已被鄰居投訴，但呢班好勁嘅BNOers卻拒絕合作，並用「唔鹹唔淡嘅疑似英文」同警察理論，其中就有「you say thing I don’t know」、「we are pay buy in shop,why we cannot play,cannot play not sell in shop」。之唔係嗰種嗰種「隻隻字都識，不過放埋一齊就唔知佢講乜」嘅句子囉。