香港文匯報訊（記者 李思穎）陳明憙（Jocelyn）的新歌《聲之靜》乃是首支將音頻治療加入流行曲元素，更首度登上電台流行榜冠軍，她表現興奮，並預告EP將大玩「音叉」元素，透過旋律為歌迷治療。
她表示：「呢首歌有『安眠』作用，可以令人放鬆心情，所以粉絲每日都會聽一次，令佢哋放鬆之餘，又幫我掃高個瀏覽量，做到雙贏局面，其實來年都會推出唱片，每首歌都會加啲音頻治療的『音叉』落去，首首歌都有唔同嘅作用，照顧大家每日嘅不同情緒。」
雖然榮獲電台流行榜冠軍，但她笑言無暇放鬆，為拍攝工作做準備：「我都想去慶祝，但即將要參加拍攝Casting，呢一刻都係好緊張，同埋有個國際品牌邀請我拍廣告，完全唔敢放肆！唯有日日用『音叉』幫自己放鬆同去水腫，經理人都陪我做治療，佢都大讚有功效。」
成功考到音頻治療資格，陳明憙搵身邊嘅「朋友」做白老鼠。
忙於音樂宣傳的陳明憙，早前亦投身劇組忙於拍攝工作，她笑指曾自薦做「打女」，但被導演一口拒絕：「其實我恨做『打女』，練泰拳都幾年時間，加上呢排都學詠春，諗住都係時候『出手』，點知導演話我嘅角色完全不用打，撲滅咗我嘅『打女夢』！我叫經理人幫手推銷我打女嘅一面，自問唔怕打親亦不會錫身，可能發掘到我原來係一個被音樂耽誤嘅動作演員，哈！哈！」
評論