香港文匯報訊（記者 梁靜儀）張天賦（MC）與洪嘉豪（Kaho）一連兩場《我是現場》音樂會，尾場已於前晚順利舉行，被粉絲塑造成「賦豪CP」的MC及Kaho，在音樂會上MC又宣布二人正式「分手」：「我哋識咗七年，但正所謂七年之癢，我哋要好殘忍地講一句，今日我張天賦，同你洪嘉豪正式『分手』。」

在尾場音樂會上，二人在Acoustic環節中演繹了入行前在街頭Busking時常演唱的周杰倫《安靜》及陳奕迅《歲月如歌》外，還獻唱了陳凱詠《隔離》，MC又偷偷地與樂隊為Kaho送上驚喜，唱出中式祝壽歌，為明天（26日）生日的Kaho預祝，不過Kaho卻自爆事前已收到風：「開Show前有位損友發短訊畀我，但頭先我係完全唔記得咗，仲奇怪點解音樂唔同咗嘅？」MC也笑言：「佢睇電話時我仲要扮唔知，問咩嚟㗎？畀嚟睇下，不過都Surprise到吖！」之後二人唱出《謎之微笑》，唱至興起時更一度走到台下與粉絲握手。

音樂會尾聲，Kaho與MC唱出最後一首歌《窮小子》，MC唱到最後一段更忍不住哭起來，Kaho見狀即擁抱對方並為對方抹眼淚，離場時更再次拍拍MC的膊頭作安慰，兄弟之情不言而喻。

兩人騷後接受訪問，並談及「賦豪CP」正式「分手」，二人打趣道：「我哋雖然『分手』，但仍然係好兄弟。其實一直都係網民Post話我哋係CP（情侶），咁我哋就當戲劇咁做。」MC又解釋唱《窮小子》時忍不住哭起來，是因為被歌詞打動，他說：「《窮小子》歌詞同我嘅經歷好似，加上現場燈牌同氣氛，最終都忍唔住，我本身唔易喊，嘉豪都未見過我喊。」