上《男神廚房》展示廚藝 張敬軒找資深大廚補課

香港文匯報訊（記者 梁靜儀）鄭裕玲（嘟姐）、王菀之和何廣沛主持的全新節目《男神廚房》，昨日在將軍澳電視城進行拜神儀式，並邀得張敬軒（軒仔）、胡定欣、陳家樂、湯怡及李子熙等擔任嘉賓。

嘟姐表示好開心軒仔來幫手，可以看他的廚藝是否了得，軒仔笑說：「食完應該冇乜事，但好唔好味就見仁見智。」軒仔透露平日會煮中餐，而昨日就挑戰西餐，煮西班牙紅蝦，事前他亦有找資深大廚補課應戰。問到他有多少勝算？他說：「我知道陳家樂係煮得之人，自己就『三鑊』水準。」說到他為何不教家中傭人「遮遮」煮食？軒仔說：「畀佢自由發揮，我人好，佢執嘢幾好，企理就OK，同埋佢有上家政班，我有啲飯食吓，不過我出街食多。」嘟姐就笑說：「其實就算煮得唔好食都冇所謂，可以keep住瘦，呢個老闆真係好。」軒仔則笑指瘦及營養不良是兩回事。

擔任總評判的嘟姐又稱平日很少下廚，但就好識食又嘴刁，而她的評分準則一定要色、香、味俱全，就算男神養眼，煮得唔好食都會扣分。笑問到陸永及C君豈不是沒機會做嘉賓？她笑說沒有。軒仔認為各花入各眼。說到陸永及C君是賣才華，嘟姐再說：「大把人有啦，人哋（指軒仔）夠有。」站在嘟姐身旁的軒仔搞笑指，原來這是今日的「三煞位」。

定欣想另一半靚仔懂下廚

胡定欣表示多年前曾上《美女廚房》，廚藝慘遭劣評，而今次就會做評判，來看哪位男仔煮得又靚仔，問到靚仔是否會加分？她也不否認：「呢個係視覺上享受，如果又靚仔又識煮嘢，未食已經甜咗，我都渴求搵到一個咁嘅人，點解我上呢個節目呢？因為我太耐冇食過男仔煮嘅嘢食，我會努力，（想搵個識煮食又靚仔的男友？）最好啦，其實現在女仔反而不夠男仔煮得叻，（咁你就唔再學喇？）喺佢身上學囉。」

今年沒有劇集推出的定欣，不用為角逐視后而添壓力？定欣笑說：「其實都冇壓力咗好幾年。」她又指有份演出的《白色強人II》仍在做後期，要明年才推出，但她寧願慢工出細貨。說到其好姊妹黄智雯、姚子羚及林夏薇今年有望角逐視后，定欣說：「好鍾意黄智雯同袁偉豪呢對CP，我係Die Hard Fans（忠實粉絲），覺得佢哋喺熒幕上好襯，就算大家咁熟絡，但見到佢哋嘅結婚戲，依然令我好相信佢哋係一對，至於子羚同薇薇，都希望佢哋今年有好嘅收穫同成績，（好難只撐一個？）好難，手掌係肉，手背又係肉。」