Kendy Suen冀創建專屬字體

香港文匯報訊（記者 梁靜儀）唱作女子組合Robynn & Kendy成員Kendy Suen（孫曉賢），日前接受TVB娛樂新聞台節目《StarTalk》主播許文軒（Edmond）訪問，大談去年Robynn & Kendy休團後，作單飛發展推出黑膠唱片的感受。

Kendy說：「每首歌嘅音樂編排同編曲都有少少Vinyl感，所以覺得黑膠好適合。而且覺得黑膠碟收藏價值愈來愈高，之前去實行呢件事時，發現全世界好多黑膠廠，間間都爆晒Order，歐洲、美國、日本嘅主流或獨立音樂界都會印黑膠，既然黑膠市場咁蓬勃，自己希望都可以佔據一小個角落。」

單飛發展的她直言很多事都要一腳踢，就連小冊子及MV的歌名都是自己設計字體，她笑說：「我冇諗過學習書法兩、三年後，設計字體會變成工作，最初學習書法係想搵到音樂以外嘅興趣，本身音樂係興趣，但變成工作。」

她表示由做獨立音樂人這條路開始，就沒有視音樂及書法是工作，因為工作有向上爬的概念，她只是想在獨立音樂人這個範疇遊走一下，希望自己的文字可以配合到音樂，音樂配合到文字就最有趣。Kendy又稱希望有朝一日可建立屬於自己的字體：「最滿意自己嘅作品係《白眉》同泳兒《荊棘海》嘅MV字體，希望有一日可以建立到屬於自己嘅字體，叫「『曉賢體』都幾好！」