香港文匯報訊（記者 李思穎）關禮傑為支持女兒關楓馨出戰港姐，親自在台上聯同女兒一起彈鋼琴表演，他表示自己都好緊張，當來支持女兒，阿女對自己都好有自信。

他說：「同個女一齊在台上彈琴，是想有一個『帶出』訊息，要她學識獨立，（親身上台幫個女拉票？）唔會，選美要靠她自己能力，外面成日話佢靠爸爸，事實新一代叻過我，（對她晉級有信心？）唔知，要看臨場表現，但見她參選後都好勤力，其實佢仲叻過我啦！（有你出場都好似幫手拉票咁！）如果係得嘅話我上年就係視帝，唔係王浩信啦！佢都係靠自己，讀書又叻，談吐又好好。」提及外界都看好她，他說：「都不是大熱，她都有點壓力，我開解她，叫她做好自己便可以，（太太會否上台？）唔會，如果成家都上台咪好似打茅波！」