香港文匯報訊（記者 梁靜儀）港隊女泳手何詩蓓（Siobhan）昨日在東京奧運女子200米自由泳贏得銀牌，中國香港體育協會暨奧林匹克委員會副會長霍啟剛及群星齊送上祝賀，大讚Siobhan是香港之光，而曾經代表過香港參加2000年悉尼奧運的方力申直擊Siobhan獲獎，更激動落淚，並直言：「呢塊牌真係好難（攞）！」
何詩蓓昨日東奧奪銀，並成為香港史上首位取得奧運游泳項目獎牌的運動員。港協暨奧委會副會長霍啟剛，方力申（小方）、陳庭欣、余德丞、呂慧儀、鄭裕玲、蔡卓妍（Sa）、陳家樂、黃浩然及洪永城等，都有在社交平台留言恭賀何詩蓓得獎。
霍啓剛指有機會再衝獎牌
霍啓剛昨日一早便坐在電視前留意比賽，並留言恭喜Siobhan：「好開心！破亞洲紀錄！破香港紀錄！睇住開頭領先但後來俾對手追上真係好緊張，恭喜Siobhan奪得銀牌，亦感謝為香港破歷史同一屆奧運拎到兩面獎牌！」他又睇好以Siobhan的實力，出戰50米同100米比賽，絕對仲有機會再衝擊獎牌。
小方指攞牌真係高難度
方力申（小方）正身在東京隨無綫攝製隊直擊奧運實況，繼前日現場開直擊張家朗奪金牌歷史性一刻後，昨日再有機會採訪銀牌得主何詩蓓，曾代表香港出戰奧運游泳項目的小方，在ig限時動態拍片，其間更激動落淚說：「好激動，呢塊牌真係好難，游水真係好難，我仲有好多問題未問完，但遲啲再問，總之我想講，佢（指Siobhan）作為一個土生土長嘅香港人，大部分時間訓練都喺香港，對我哋泳壇係一個好大鼓勵，香港人讀書壓力好大，好多人中間就會放棄，淨係游得好嗰幾個先會繼續游。」之後小方再分享與Siobhan「望鏡合照」。而無綫奧運節目主持之一的陳庭欣，亦有留言：「何詩蓓勁呀！女子200米自由泳銀牌，呢面銀牌極具意義，係香港史上首面奧運游泳獎牌。詩蓓游出1：53：92的成績，仲破埋香港紀錄兼亞洲紀錄。」
藝人齊讚香港之光
上屆有份到巴西採訪奧運的余德丞，今屆要留守香港的錄影廠主持節目，他有留言表示睇直播好感動，更上載與銀牌得主的何詩蓓在上屆奧運的合照緬懷一番。
正在開工拍劇的呂慧儀都不忘收看奧運，她大讚何詩蓓是香港之光：「在公司化妝間看比賽真的很興奮，我肉緊到捉實阿爸（劉丹），我們一起嗌加油，看着妳帶了三個塘，被力追妳也力拚，真的很厲害，又一面獎牌，香港之光，何詩蓓。」
黃浩然表示：「女子200米自由泳銀牌，恭喜何詩蓓，全香港都替你高興，勁呀！香港隊繼續加油！Proud of U！」洪永城寫道：「已經叻到癲，恭喜晒！只係23歲，（下屆）巴黎再攞金牌。」鄭裕玲祝賀並感謝說：「Congratulations and thank you！」阿Sa就留言：「又一面獎牌，好激動，恭喜何詩蓓！」陳家樂說：「多謝你嘅付出！」
0
已點過讚
0 / 255