香港文匯報訊（記者 梁靜儀）劉丹、林淑敏、許家傑、林凱恩、單立文、滕麗名、呂慧儀、張景淳及吳偉豪等，昨日到電視城出席處境劇《愛·回家之開心速遞》之「開心迎奧運」活動， 為迎接2020東京奧運會，活動上眾人又分組玩「劍擊」及「空手道」體育項目遊戲。
東京奧運會將於本周五開幕，劉丹在台上分享最愛看的奧運項目時，表示凡是體育都鍾意睇：「有肉我就睇，西洋拳一定唔會放過，因為以前玩過吓。」他表示小時有打過西洋拳2年，惟入行後沒有再玩：「拍戲打到面腫就唔好，所以就放棄。」問到可會同孫女「小糯米」一起睇奧運？他笑說都可以：「一定會支持香港運動員，但孫女好早瞓，平日睇完《愛·回家》就要瞓，有時睇到爺爺畀人欺負仲會喊！」
對於有指身在內地前媳婦楊冪因疫情已有整年時間沒見女兒「小糯米」，劉丹坦言也不否認，問到孫女可有跟媽咪視像？他說：「唔知佢哋有冇，但小糯米有部電話，（咁細個有電話？）都係有限度用，（聽過孫女話掛住媽咪？）咁又冇，疫情都好難見。」他又慨嘆時間過得快，孫女也快將升讀小二，又指她好得意，平日最愛畫畫，有家人生日就會畫生日賀卡，睇到都好開心。問到暑假可有安排活動給孫女？他說：「都有，會學網球、高爾夫球、畫畫，（打西洋拳？）唔會喇。」
許家傑跟洪松蔭踩單車
林淑敏與許家傑受訪時齊聲表示會支持香港隊，林淑敏表示特別是劍擊及柔道等香港隊出戰項目，因今年港隊劍擊項目以第4名入圍，極有機會奪獎，不過攞獎事小，最重要是感受到他們的刻苦精神。她打算屆時相約《愛·回家》演員，收工後在化妝間收睇賽事。
許家傑則支持籃球項目，認為今屆參戰隊伍水準平均。他又透露年少時曾夢想做籃球隊員，但18歲時因扭傷腳而打消念頭，而身邊有很多朋友都成了港隊籃球隊員及教練。他又表示早前曾與前港隊首席單車選手洪松蔭一起踩單車，原本只是抱住學習心態參與，結果被對方拋離，連車尾燈都見不到，對方更在爬坡時單手幫他拍片，不過因為覺得『太瘀』，故不敢與大家分享影片。
另外，談到有傳其好姊妹郭嘉文與富商男友分手，林凱恩指對方幾好幾開心：「長期都傳（分手）， 但呢個係佢個人嘅事，作為朋友任何時候都會陪喺佢身邊，最緊要佢開心快樂，（近日容易約她？）我哋兩三日就見，（多過男友？）感覺我係佢男友。」
評論