被封「金句王」與說話跳線有關 黎明「棺材論」暗示已再婚

香港文匯報訊（記者 李思穎）黎明（Leon）與女友Wing於2018年誕下女兒升任「爸爸級」，惟卻一直未有公開透露目前的婚姻狀況，然而Leon前晚在壓軸一場的演唱會上，以「棺材論」暗示已經再婚，向另一半派上定心丸。全晚風騷演出的他，剖析多年來被稱「金句王」之謎，完全是與他說話「跳線」有關，其獨特本能無可代替。

黎明一連9場的紅館演唱會前晚結束，李嘉欣和老公許晉亨穿上白色情侶裝恩愛現身，其他捧場者有衛蘭、緋聞男女蔡思貝及余德丞、寰亞娛樂老闆林建岳等。準時8點半開騷的Leon西裝筆挺登上舞台，一口氣唱出多首經典歌曲帶歌迷走入「時光隧道」，全場的「明哥迷」心情亢奮，隨着偶像一起大合唱，歡呼叫喊聲此起彼落。

來到棟篤笑環節，Leon獨腳戲講足20分鐘，他以韓式心心手指手勢打開話匣：「20多年前在韓國做宣傳，同事叫我做心心手勢，其實我不太喜歡這些細微嘢（動作），特別男人做出來很『肉麻』，對住一個含蓄嘅人做會更含蓄，對熱情嘅人做又無咩感覺，好似給山頂朋友做這個手勢，你見唔見到係咩呢？可能以為我捽緊膠布或拎住支牙籤，咁不如直接講『I love you』啦，起碼直接知道反應。」Leon這一說，已教台下粉絲情緒氾濫。

過去，Leon曾締造出不少「金句」被冠以「金句王」稱號，這夜他主動為「金句王」解密：「其實我無咩金唔金句，我以前講啲嘢有時會太過跳線唔係好明，突然靈機一觸又講緊第二啲嘢，所以記者朋友畀咗個稱號做『金句王』，其實我冇乜金句，今晚盡量講啲嘢係令大家明啲，頭先明不明？」全場大嗌「明」。

謹記所抽到的都是好籤

隨後，Leon依舊「金句王」上身，以其經典金句「核心內圍同核心外圍」比喻夫妻相處關係，他指朋友覺得老婆在婚前婚後是兩副面孔，婚前溫柔體貼，婚後變得惡死，Leon以金句神回：「核心嘅外圍就係愛情，核心嘅內圍就變咗親情，的而且確升咗去更高層次，唔緊要啦，人要正面，喺呢個地球上面，我哋係生活喺表層，核心裏面係好熱，住唔到人，所以大家要互相珍惜，互相愛護，互相忍耐，大家根本唔會知道自己抽中咗邊支籤，好似今次買飛一樣，坐喺上面，當自己抽中支上上籤咪得囉！」

Leon說到結婚是男人的墳墓時，突然又話要介紹嘉賓出場，此時剛降落台的Leon再「原封不變」升上來，他笑說：「黎明請黎明（做嘉賓）係無問題嘅，頭先Leon話入咗棺材，我代佢由棺材行返出來，每個愛是由緣分同感情做起步點，送《情緣》一歌畀大家。」向來對感情低調的他，從來沒有公開過與女兒媽咪Wing的關係，不過早於頭場時，表演嘉賓亦以「黎明太太」來稱呼Wing，這番憑歌寄意，沒有否認進入婚姻墳墓的「棺材論」更似有弦外之音，明顯地暗示已經再婚。

而2018年3月Leon與Wing戀情才曝光，同年4月女方即誕下一女。到了2019年2月，有媒體發現Leon、Wing和女兒一家三口出現在美國舊金山，當時有傳聞指Leon將會在當地和Wing結婚，相關消息曾引起熱議。

尾聲時，Leon答謝歌迷的支持，並在胸前做出心心手勢繞場一周，他祝大家身體健康，開開心心！工作順利！拍拖開心！家庭開開心心！總之大家平平凡凡過一個美好人生，謹記永遠所抽到的都是好籤，要珍惜，並承諾好快再與歌迷見面。