香港文匯報訊（記者 李思穎）BOP（天堂鳥）將於8月14日舉行演唱會，也是組合即將「拆夥」前的最後一次演出，三子接受主播許文軒訪問時，大談組合解散及開騷感受。
成員歐喬鋒（Tyrese）是先向其公司及隊友提出解散，他說：「我哋冇不和，完全冇嘢！其實之前有段時間組合有官司，當然已經有解散念頭，之後轉投新公司，諗住有希望，可以重新出發，但疫情令大家卻步，所有工作暫停！我哋都30歲，要維持自己生活，要搵出路！我覺得做娛樂圈以外嘅事，自己可以掌握到，家做園藝生意，畀我嘅滿足感同幕前唔同，例如我拎條『橋』出嚟立即見到成果，所以好享受！（容易有收入？） 哈哈！唔使講到咁白！生活輕鬆咗，過去成日都擔心生活費，現在舒服了，而且畀到另一半安全感。」
葉灝基（Gordon）直言分開發展屬好事：「呢7年大家太依賴對方，分開發展可以令大家更認識我哋每一位成員，其實今次演唱會都等咗好耐，既開心又傷感，因為可能真係最後一次！呢排預備演唱會同埋之前參加《盛·舞者》都搵返跳舞嘅初心，這7年自己有偶像包袱，參加完比賽後把包袱放下，唔介意企喺人後面Support隊友，其實跳舞就應該係咁。希望可以帶《盛·舞者》嘅隊員上我哋今次演唱會舞台。」
近期忙於拍劇的許俊豪（Lincoln）說：「其實未入BOP之前，我係演員出身，原來自己已經放低咗做演員8、9年，近排拍劇搵返演員嘅初心，愈嚟愈鍾意拍劇。今次拍《愛上我的衰神》有好多第一次，包括初吻！」
評論