香港文匯報訊（記者 李思穎）江美儀於2016年和吳君如胞弟吳君祥離婚，一直對感情低調的她，罕有地在好友黎芷珊主持的訪談節目《單對單》訴說離婚因由。

節目中，美儀率性披露離婚真相是跟前夫吳君祥步伐不同：「佢都好大壓力，佢係某某個仔、某某嘅細佬、同邊個邊個嘅男友，佢永遠冇一個好清晰嘅身份。」美儀又謂因工作關係，經常不能陪前夫外出應酬，以致前夫要聽閒言：「可能好小（好似冇乜嘢）嘅一句說話，我覺得佢聽咗會覺得我哋身份好似有距離。」

一個愛熱鬧、愛朋友，一個想愛得浪漫一點，加上生活習慣不協調，令美儀的不開心感覺愈見強烈，就算雙方曾嘗試挽回，也因步伐差異未能成事：「我見佢冇乜特別行動想箍煲，或者我要求高，我希望佢呢樣嗰樣，可能佢做咗我唔覺，又或者唔係我想要嘅，佢有講過話我想佢做嘅嘢佢做唔到。」美儀又指提出回復朋友身份的契機，是前夫到了內地工作後，她發現一個人都可以很開心和自由：「縱然對方會去製造一些驚喜，試過搵我朋友搞驚喜派對，但不是我想要的那樣，我想兩個人燭光晚餐，真係頂唔順！」坦言有感到受傷的美儀，對於該段關係卻沒有遺憾，她簡單直接謂：「愛過咪得。」

美儀還帶了芷珊打坐靜修，她透露之前也是靠打坐走出陰霾。縱然受過情傷，美儀不排除會再尋覓另一半，只是不會再同居：「有鼻鼾點算？又要重新適應過，好似好煩咁，哈哈。」