韋達由南非來港發展廿幾年，當中榮膺十三屆本地冠軍騎師，佢一對仔女都喺香港出世，當年手抱的嬰兒，現時都長大成人了，千金Sheikara一早已過十八歲，不時入馬場與老竇一起影頭馬相，而囝囝Ethan亦喺早前年滿十八歲，早前回港兩父子慶祝，不過生日過後，Ethan又要飛返英國讀大學，對於韋達來說，一對子女轉眼就變成年人，佢亦由騎師變為練馬師，時間不斷流逝，人生就不斷轉變，既然Ethan已成年，趁未離開香港前，亦有機會入場同老竇影頭馬相。今次沙田韋達有六匹上陣馬，其中「協進神駒」最近五場有四次入前四名，上仗亦只負於「文明之星」得第二，今次再來有機會爭取首場頭馬。