【三寶提供】資本家外檔冇有怕

第七場﹑第三班﹑一二○○米。「開心威龍」大前仗在田草千二落後「勝得威風」個多馬位得第四，可是再跑同程卻大敗；上回除頭罩轉戰谷草千二，後上姍姍來遲跑第四，倘若今仗早段步速正常或偏快，將有助牠後上爭功。

第八場﹑第三班﹑一二○○米。「資本家」季內四戰取得一冠兩亞一殿未甩前四名，翻看首戰即用莫雷拉果然有計，後上強勁殺入亞席；翌仗變招出擊唔留而搶放，放得唔慢下輕取「鴻運飛鷹」開胡；打後兩戰跑獲亞殿各一，計馬處三班必具優勢，今次搵徒弟陳嘉熙搏殺，可望一放迄終。

第九場﹑第二班﹑一二○○米。「疾風勁草」今季喺谷草千二贏過兩次，前仗係初跑一千，該戰表現都唔差，喺賀銘年胯下後追入Q腳；再睇上仗回師田草千二，馬房主力落在「速遞奇兵」身上，本身則後上點到即止；今晚回師窄場千二強項，回配田泰安乃贏馬組合，只要直路楔到個好位發揮，相信可以喺二班贏番場。