【騎練軍情】艮志騰雲成哥督操

剛周日沈集成在皇太后盃包Q，心情當然靚溜，有馬房手足慫恿阿頭積極向冠軍練馬師寶座進發，雖然現今蔡神以五十九場領緊頭，但此刻沈集成馬房士氣如虹，加上有少少運氣，係有機會登上寶座。不過倉主依然保持其風格，低調安排一切順其自然。話說沈集成有個外號，與郭能一樣，有「鐵人」之稱，經常出現馬房，好似唔使睡覺。今次夜賽有手足見佢特別緊張三匹戰駒，分別係「開心有利」、「帝豪大師」及「艮志騰雲」。周一最後試跑朝該日，馬房安排「開心有利」陳偉業與「艮志騰雲」外籍助手齊往機坪踱步，倉主欄邊監督，兩駒踱步好火好力，神態生猛，踱步完畢，倉主吩咐有關工作人員，安排兩駒於下午游水一圈，加強體能訓練，游水後再返馬房按摩，因為倉主經已一早卜定按摩師替牠們按摩，備戰動態認真。另一匹倉主同樣緊張的是「帝豪大師」，午間的加課訓練未有如之前兩駒體齊，可能因為本身在最近兩場打硬仗僅敗，倉主用上一些較悠閒的催谷工夫來提升戰鬥水準，午間多數安排牠到地堂沙池打滾，間中作走花蹄輕舒步頭便算。

「艮志騰雲」近兩仗跑谷草千二米，雖然未能獲勝，但這兩仗都是受制於排外檔不利因素，巴度都算好耐性，一場用搶放戰術，翌仗採取留後追跑法，希望替牠帶來突破，結果一放一追都能夠拚入Q，今次馬房喜見此駒抽個三檔，巴度用回守好位戰略，相信又可言勝。

帝豪大師鬥志高昂

「帝豪大師」備戰過程略與兩匹廄侶不同，最主要是因為最近兩場打硬仗下均輸短頭，有否影響今次體力，的確要跑過至知，但馬房好希望趁呢匹馬仲弗時候爭取頭馬，所以近期操練都是以慢火煎魚方式為主，今次潘頓肯再騎，鬥志無可懷疑，應該唔會令馬迷失望。

開心有利不容再失

「開心有利」馬主同晚其實還有一駒列陣，尚有匹初出馬「包有利」，倉主對這系馬非常落心機訓練，所以一直以來成績都唔錯，「包有利」首戰水準純粹熱身，尚未有爭勝把握，拉頭馬的責任便要落在「開心有利」身上，此駒上次因氣管多痰而落敗，今次再出，馬房為慎重起見，賽前照埋鼻仄清楚健康，全力打硬仗是一百個放心，唔會重蹈覆轍。

電訊巴打決心添食

華籍練馬師中，徐雨石倉亦有動態，周一排位朝，馬房安排「電訊巴打」邵強與「盈嘉輝」華籍助手齊齊到機坪踱步，倉主及副練跟到貼，「電訊巴打」全身起晒梅花點內藏暗火，至於「盈嘉輝」情緒集中，運步輕盈，沒有以往懶洋洋的感覺。另一方面有消息指出，這兩駒於上周三進行了維他命BV針催谷，效果良好。「電訊巴打」新勝谷草一哩，今戰繼續全力進取爭連捷。另外「盈嘉輝」首次降落四班列陣，即瞄準最煞食的出擊路程谷草一哩，刻意配上巴度已擺明車馬，上述這兩匹徐廄馬，如臨場有半冷分頭值得一敲。