香港文匯報訊（記者 梁靜儀）葉翠翠與吳若希日前亮相節目《日日媽媽聲》， 分享懷孕感受，身為3子之母的翠翠，透露懷孕一次比一次辛苦，到第3胎時更可以用恐怖來形容，她說：「因為密集式3年生3個，嗰陣好辛苦，懷孕時有產前抑鬱，生完又產後抑鬱，冇耐又有BB，產前抑鬱又嚟喇，去到第3胎，正值屋企搞裝修，喺預產期10日前去咗睇一個單位，跟住唔使24小時就生咗，先係喺屋企穿羊水，之後去醫院，因為醫生做緊手術，等咗6個鐘，好辛苦，生完又要搬屋同湊3個小朋友，抑鬱就爆出嚟，試過有一刻更匿喺廁所喊同有一刻想做傻事，之後同自己講：『個仔大個會唔記得我。』最終想清楚就打消念頭，每日堅持做運動，家就好正常喇。」

翠翠認為最緊要是身邊人能否幫到手，她又大讚老公對她照顧得好，十分滿分的話會給老公9.5分，扣分原因是她懷孕期間，試過凌晨兩、三點想食腸粉，因為半夜買不到，於是老公翌日一早就開車去買給她吃，買完才返工，其間她致電提了老公兩次記得要落甜醬，但最終都是沒有落甜醬，令她很生氣。

育有一子一女的吳若希，表示佗兩胎的感覺有如天堂與地獄，佗第一胎真的太舒服，唯一辛苦是尾段時間，胎兒開始變大令到腰骨痛，到佗第二胎感覺有如去了地獄：「試過從朝早10點一直嘔到12點，係冇停過，不停攬住個馬桶好痛苦，一直以為自己係腸胃炎，好彩冇食藥。」