香港文匯報訊（記者 梁靜儀）林溥來（Patrick Sir）和太太關宛珊（Kimmy）的兒子林若嘉（Preemo）前日出世，初為人父的Patrick Sir在社交平台上載一家三口的溫馨全家福。

Patrick Sir 透露兒子Preemo重7磅幾，身長50cm，出世時喊了幾聲之後就張開眼睛望住感動到眼濕濕的他及太太。Patrick Sir又笑指兒子是個大隻BB，連醫生及助產士也指他頭又大又多頭髮，他說：「感恩天主賞賜一份完美嘅禮物畀我同Kimmy，我哋會好好愛護佢教導佢，令佢快樂成長，培育佢成為一位有愛心、有責任感、有能力嘅人，長大後好好咁貢獻社會，為世界帶嚟正面嘅改變。」他亦不忘多謝老婆，並承諾永遠愛她及兒子：「好多謝你，多謝你咁多個月嚟佗住BB仔嘅付出！陪住你生嘅時候，拖住你隻手，頭貼頭，嗰一刻覺得你好靚好偉大，你樂天正面嘅態度令我個心好溫暖。雖然我哋已經做父母，但係喺我心目中，你永遠都係我可愛嘅女朋友仔，對你嘅愛唔會有一絲減退。Will love you and Preemo forever！」初為人父的Patrick Sir更親自給兒子餵奶，流露出一臉父愛。