香港文匯報訊（記者 文芬）有「最索丫鬟」之稱的藝人陳婉婷（Hebe）日前現身直播平台Uplive廣告拍攝，Hebe笑言直播成為收入主要來源，但不會放棄任何演出機會：「家手上都有啲項目傾緊，其實咩台都冇咩所謂，最緊要有得發揮，我喺邊度拍戲、拍劇都冇所謂！（如果TVB搵你返去呢？）家志偉哥做咗高層，唔知佢哋會唔會搵我，但係只要有好節目、好角色，當然想參與其中！」

對於前輩廖啟智不幸離世，Hebe就話與對方不熟悉，但曾在劇集中同場演出：「佢哋係前輩，我哋呢啲小演員匿埋一邊睇佢演出，真係睇都學到嘢，加上佢真係超級nice，即使唔識你都會提點你幾句。一直都希望可以同佢做對手戲，但估唔到嚟得咁突然，希望佢安息，家人可以走出陰霾。」

Hebe預告將拍攝靈異節目，但她自認細膽怕「惹禍上身」：「呢個節目話要幫我『轉運』，我都講明鬼神嘢唔好搞我！家好似話幫手轉事業運，等我唔使成日做丫鬟。因為以前電視台實習時得幾千蚊任做，幾日都冇得返屋企，休息室瞓覺時『俾嘢責』，所以嚇到怕！上星期做直播分享返呢段『往事』，Fans突然話我後面多咗個人，唔知佢講真定講假，嚇到我即刻熄機上床瞓覺！」