發夢驚醒爆喊 趙浚承難捨歌手夢

香港文匯報訊 兩位樂壇新人曾比特（Mike）及趙浚承（Gary）日前作客TVB娛樂新聞台節目《StarTalk》，接受主播許文軒（Edmond）專訪，大談入行推出新歌感受。Gary自嘲「老新人」，他亦承認再次出歌有點壓力，他說：「完咗組合Square之後，曾經作過一啲Demo畀舊公司，不過公司似乎唔想再出歌。自己一度被打沉，我同其他成員一樣唔想再做呢行，有年幾兩年時間唔聽歌、唔唱歌。直至有晚竟然發夢喺度唱歌，醒咗之後自己喺床邊不停喊，情緒好崩潰，原來抑壓咗好耐，反問自己係咪仲想唱。」Gary 又說：「之後參加內地嘅歌唱比賽，想畀自己一個機會，最終贏到季軍，令自己打咗支強心針，原來自己唱歌都唔係咁差。現在再有機會出歌，多謝監製舒文幫我搵到唔同聲線，佢就好似我唱歌老師一樣。」