許靖韻郊外拍攝 斷水強忍十小時

香港文匯報訊（記者 李思穎）許靖韻（Angela）昨日推出EP《Step Forward》，唱片封套特別在郊外拍攝，由天光拍到天黑共十小時，Angela穿着又重又長的白色紗裙，笑說有一種像在拍婚紗照的感覺，「着住一條好華麗禮服裙彈住鋼琴，好公主、好童話。」

每次拍攝都有不少蝦碌事發生的Angela這次亦不例外，「今次喺山上拍攝，冇廁所、亦冇地方換衫，特別係呢條紗裙好大條，上車換衫已經塞爆架車，多謝同事人肉擋住架車畀我換衫。」因現場沒有廁所，Angela說：「所以我冇乜飲嘢，同埋忍，忍足十個鐘！哈哈。」團隊亦特地把最能代表Angela的鋼琴搬到山上，大自然跟鋼琴映襯下有着特別的對比，亦貫徹她鋼琴才女的形象。

EP中收錄的《代罪羔羊》由Angela自己作曲，「今次係一個新嘗試、新方向，雖然唔係坊間接受度高嘅曲風，但自己都好鍾意，打後都會寫多啲唔同曲風嘅歌畀大家。除咗自己作曲，都希望可以幫自己填埋詞，目標是一首歌的曲、詞、編、監都係自己個名。」