大公文匯全媒體報道：香港世界宣明會籌辦助養落後國家小童的計劃經年，獲不少善心市民參與，希望幫佢哋改善生活。但日前有助養人發現，宣明會每年寄出嘅助養兒童照片不單止冇更新，甚至突然「返老還童」，質疑「我係咪畀人呃咗好耐？」，直指是本世紀最大詐騙集團。

該名助養人在社交平台貼文稱，一年先睇一次嘅相，望一眼就唔會拎返出嚟睇。點知日前一睇，發現助養兒童在16同17歲嘅生日照片係一樣嘅。至於兒童進度報告中，2018年嘅照片明顯大個咗好多，但到2019年就突然變番做一個小朋友，完全唔係同一個人嚟。最誇張是，2021年該助養兒童嘅照片又與2018年嘅照片一模一樣，勍連着嘅衫、背景嘅樹，睇緊嘅書都係同一版 ，反問「睇三年都未睇完？」貼文隨即引起網民熱議，宣明會表示已向埃塞俄比亞辦事處跟進事件。