姚子羚姜麗文錄影節目《流行經典50年》

（香港文匯網記者 梁靜儀）姚子羚與姜麗文昨晚到將軍澳電視城錄影節目《流行經典50年》，子羚前晚選唱飲歌、範曉萱的歌曲《雪人》，她表示歌曲充滿聖誕氣氛，但因為是一首悲傷的歌，因此登台的時候甚少有機會唱。

近日忙於拍攝劇集《拳王》的子羚，談到政府因第4波疫情嚴峻，再次收緊限聚令，問到拍外景可有影響？子羚表示一切由公司安排，劇組會因應疫情作變動，可能會將外景改回公司拍攝。

她又透露稍後會拍攝擂台戲，預計要拍攝兩星期，而拍檔張振朗和黎耀祥因要騷肌拍擂台打鬥戲會比較辛苦，而她就拍得很開心，她笑說：「因為同張振朗熟，所以都有摸過佢啲『朱古力(腹肌)』，不過我同朱敏瀚唔算好熟，所以唔敢摸佢，至於祥哥（黎耀祥）開頭都唔敢摸佢啲『朱古力』，因為阿嫂在場，我要問準阿嫂先可以摸，摸咗一嚇好開心，發覺佢哋真係有料到，希望到正式拍攝嘅時候可以捉住佢哋三個猛男一齊影張肌肉相。」

姜麗文穿上超低胸短裙錄影節目，她笑言不覺很性感，而未婚夫亦不會對她的衣着管束：「我有send相畀佢睇，但最後都係我決定，可能大家都係鬼妹鬼仔，我喺加拿大成長，未婚夫喺英國長大，性感尺度較寬鬆，只係有次可能太誇張，至叫我加件褸，佢都明白我做藝人，有時會性感，佢今次都有讚我beautiful，我就話『I know』。」。

姜麗文原定今年2月2日與男友舉行婚禮，因疫情關係而叫停，她謂現在會暫停婚禮計劃，明年視乎情況再決定。她坦言雖然未簽紙結婚，但已跟未婚夫同居：「我哋拍拖9個月已同住，一齊4年從未鬧過交，有問題會直接講，大家好夾，所以嫁畀佢。」她又自爆心急生B，她覺得爸爸抱孫的畫面會好感動，想起都眼濕濕。問到爸爸可有催她早日生B？她說：「冇，佢唔會講，話生B係我嘅決定，唔好用佢做藉口，而家等明年拍完劇集《白色強人II》再去諗。」