香港文匯報訊（記者 阿祖）歌手李明蔚於22歲時確診患上罕見的鼻咽腺樣囊性癌，接受多次各種治療及手術後病情曾轉趨穩定，惟2016年她癌症復發，開始半邊臉癱、說話不清、右眼不能閉合等狀況，到去年更擴散至肺、肝、腎等器官。李明蔚由於負擔不起龐大的醫療費用，昨日在社交網親自拍片作出緊急呼籲向各界募捐，期望籌到足夠醫療費去做免疫細胞治療續命。

她說：「好多謝大家一直支持鼓勵我，好感恩遇到好多人幫助我！令我有更大力量去生存！自從喺2012年發現患上罕見嘅鼻咽腺樣囊性癌，我一直都無諗過放棄，與癌共存。

喺呢8年我都曾經試過好多唔同治療，但都冇幫助，家癌細胞擴散到肺、肝、腎同骨，做過化療同電療，亦試過標靶藥，不過身體承受唔到副作用，所以都停咗，目前都無做任何治療！

最近我感覺到身體越來越差，腫瘤壓住神經線，令我面癱，眼珠同眼皮都郁唔到，有一邊聲帶癱瘓咗，令我說話同吞嘢都好受影響！最近仲開始唞氣唔順，心口又痛，器官脹大，令我開始日常生活都有困難！

但我仍然深信希望在明天，因為我仲有好多嘢想做，唔想爸爸媽媽再為我擔心！我知道有一種叫免疫細胞治療，我好希望可以去嘗試，但費用昂貴，好希望大家可以幫助我！等我能夠活下去！」

而馬浚偉得知好友李明蔚病情告急，日前已於網上舉行過直播演唱為對方進行眾籌，他所知李明蔚要做的療程費用龐大要接近200萬，亦希望有更多人可以幫忙伸出援手。