新飲品造型神似經典電腦壁紙引熱議 最終命名得網友齊讚：好有畫面感

香港人氣素食品牌「 素年 」（YEARS）近期在Instagram上公開徵集新品名字，引發網友熱議。起因是店內咖啡師同事整咗杯靚到好似一幅畫嘅飲品，靈感來源就係日常望出去店外嘅西九海濱景色。整杯飲品底部是綠色的抹茶，如同草地一樣清新的顏色，上面是明亮的藍色螺旋藻，杯邊仲用純素乳酪模擬白雲，真係好似藍天白雲下的草地。

店舖於Instagram平台向大家徵集名字，有網友建議，不如就叫「Windows XP」，得到大批人點讚；有人覺得因為外貌似晴天，但飲落會好震驚，太好飲，所以應該叫做「晴天霹靂」；有人根據藍、綠、白的配色，認為叫「Earth」會好搭。

最終根據官方不科學方法統計，店家最終採納了「Windows XP」這個名字，淨係聽個名都已經有晒畫面！而新品大約要一個星期後就可以跟大家見面，如果你對這款飲品都好好奇，不妨去試試啦！

素年（西九文化區）

地址：尖沙咀西九文化區藝術公園地下GF-05號舖