米芝蓮老字號 推超值鮑魚套餐

香港地飲食業生意持續不景，大大小小酒樓食肆執笠時有聽聞，但一些高級中菜食肆郤在淡市中逆流而上。所講的是連續16年榮獲「米芝蓮一星」殊榮的食府--富豪酒家了。

香港酒樓關注組推介，尖沙咀富豪酒家近期有個超值鮑魚套餐，可以食到招牌吉品鮑及古法炸釀花蟹蓋等多款招牌美食，當然，重中之重是要試吓其招牌菜的阿翁鮑魚 。各式菜餚如下 --

30頭養殖吉品鮑鵝掌 :

採用30頭養殖吉品鮑，再用古法煨燉技巧製成，鮑魚入口香軟彈牙，富有嚼勁，醇厚飽滿嘅溏心質感，再加上細火慢燴到極其軟腍滑溜、骨膠原滿滿，入口即化嘅波蘭巨型鵝掌，同鮑魚喺完美嘅組合。

紅燒砂鍋包翅 :

原個砂鍋上枱夠曬熱辣辣，魚翅翅針條條粗壯分明，入口煙韌軟滑有嚼勁，膠質非常豐富，湯底鮮甜厚重，再加上金華火腿及爽脆芽菜，增加爽脆層次。

古法炸釀花蟹蓋 :

手工現拆花蟹肉，再加上頂級江瑤柱絲、菇絲及清甜洋蔥絲入鑊猛火爆炒，再將爆香餡料釀回蟹蓋，表面鋪上一層輕薄麵包糠，入油鍋炸至金黃酥脆、乾身不油膩，食落啖啖鮮甜蟹肉，美味無比。

富豪脆皮炸子雞 :

炸子雞肉質滑嫩，雞味濃郁，雞皮炸到香脆薄身，做到皮脆肉嫩，多汁不油膩。

方魚生炒芥蘭仔 : 大地魚碎甘香鹹鮮帶出芥蘭清甜味道，芥蘭翠綠爽脆，清爽解膩。

海蝦仁叉燒炒飯 : 游水海蝦仁鮮甜又口感彈牙，叉燒炒飯夠曬鑊氣，炒得粒粒分明、乾爽不油膩。

蛋白生磨杏仁茶 : 杏仁茶手工生磨，口感溫潤順滑、清甜解膩。

甜品 : 甜品有椰汁馬豆糕及合桃酥。

食肆資料 :

名稱：富豪酒家

地址：尖沙咀彌敦道132號美麗華廣場1期食四方4樓402號舖

營業時間 : 1200-0000

人均消費 : $400-$800