張家輝為藝術犧牲剃頭演出

香港文匯報訊（記者 梁靜儀）張家輝、鍾雪瑩及蒙嘉慧主演的喜劇電影《我阿爹想旅行》，前晚舉行電影啟動禮。張家輝更親自駕駛戲中的家庭車，載着戲中「太太」蒙嘉慧及「女兒」鍾雪瑩到場，吸引大批市民圍觀。

戲中張家輝患有癌症，並以地中海造型示人。說到他剃頭的造型犧牲好大？家輝透露剃頭概念是他提出的：「既然個戲份咁多，就直接剷光佢，然後再黐一個地中海嘅假頭髮喺側邊實際啲。」問他可擔心剃頭後不再長出頭髮？他笑言都有少少擔心：「不過為咗藝術犧牲就冇辦法啦，你睇吓𠵱家市面上咁多生髮產品，你就知道男人痛到去到邊個地步啦，（冇擔心會變地中海？）我追查過族譜，我老竇同阿媽嗰邊都冇出現呢啲問題，所以較為安心。」

此外，說到繼古天樂早前開完演唱會後，不少網民都希望張家輝開演唱會，前晚家輝被問到可想開演唱會時，他開玩笑說：「問返經理人好喎，我聽聞佢喺歐美同墨西哥傾緊（開騷），睇吓搞成點啦，搞得掂咪開囉。」他亦坦言以往很少登台，因本身唱歌很內斂，不太想表演給人觀看，但自己就很喜歡唱。