慳妹逛展逛街　灣仔平玩平食

（撰文：黃新雅）7月的灣仔盛事不斷，書展、零食世界、運動消閒博覽如火如荼，馬上又將有香港動漫電玩節舉辦。如果你也計劃去逛展，記得查收這期灣仔慳錢食玩攻略。與會展中心百米之隔的免費遊樂園「盛夏競技場」，7大放電項目最啱親子同樂；合和中心的觀光電梯，可欣賞180度維港風光；一碗平價抵食的波仔記車仔麵，一碗下火排毒的三不賣野葛菜水，讓你以滿滿活力狂掃貨。免費玩，食平價，慳番錢買心水嘢。

盛夏競技場

一年一度的《灣仔夏誌》特以「盛夏競技場」為今個暑假的常駐節目，由即日起至9月28日於灣仔海濱活動空間，舉行七項互動放電項目，包括飛盤高爾夫、單車、彈床、足球、籃球、高爾夫球及保齡球，如果大家要來會展中心逛展覽，千萬不要錯過這個免費的親子樂園。最矚目的一定是外觀絢麗多彩的「彈出盛夏」充氣彈床樂園，脫下鞋就可以入內暢玩。手腳並用爬過空心管，跳出泳圈陣，最後在最高處又蹦又跳，好像穿越回童年。「夏日風火輪」大型單車環同樣好玩，不停踩單車就可以像旋轉木馬一樣轉不停。而「盛夏飛擲」飛盤高爾夫就有點難度了，慳妹嘗試多次也沒能扔進框中，只好在投籃遊戲中找回自信。「盛夏競技場」周一至周五由下午3時開放至晚上9時，星期六、日及公眾假期由下午1時開放至晚上9時，建議大家在太陽落山之後再來，不然好容易中暑。

波仔記車仔麵

在灣仔想食得平靚正，可以試試波仔記車仔麵。這間舖開在鵝頸街市的熟食中心，環境乾淨企理，冷氣好勁，仲有免費WiFi，用餐體驗都幾舒適。價錢方面，40元就可以食到一麵三餸，老闆強調自家的分量好大，女士們點三餸就完全足夠啦。慳妹自然聽勸，點了米線、魚餅、豬紅和魚蛋，因為夏天想食得清淡點，就沒有加腩汁。熱辣辣的車仔麵端上桌，果然滿滿一大碗。魚餅一定要點，外皮煎得焦香，內裏煙韌彈牙，細嚼好似有活魚在嘴裏打交咁，一食就知是真材實料！魚蛋個頭堪比雞蛋，味道不錯。豬紅切成厚厚的方塊，數量不少，過足嘴癮。如果你不加腩汁，味道就稍有些淡了，不過還是能嘗到湯底的牛油味。40元食餐好，性價比真係無得輸，慳番錢去展覽買自己鍾意嘅嘢啦！

合和中心觀光電梯

合和中心有一座透明玻璃的高空觀光電梯，可以欣賞180度維港風光，景色超靚，而且是免費的，來到灣仔不如順路去打下卡啦。進入合和中心先坐電梯上到17樓，行幾步找到「自助山」的招牌，就能乘坐由17樓上到56樓的觀光電梯。這部電梯是跟住食肆自助山的營業時間開放，大家留意時間不要跑空。慳妹是在下午6時去的，基本上沒人搭這部電梯，可以獨享打卡時光，真係好愜意。電梯緩緩上升，景觀逐漸開揚，遠處的摩天大樓和維多利亞港都清晰可見，如果晚上來，夜景會更壯觀。

三不賣野葛菜水

天氣炎熱，灣仔街頭熙來攘往，尤其是要逛展覽體驗人擠人的時候，最容易心煩氣躁。如果你會路過莊士敦道，強烈建議在這間三不賣前停下腳步，站着咕嘟咕嘟飲完一碗野葛菜水先走。店舖始創於1948年，專賣野葛菜水，現時價格已經來到15元一碗。只見老闆熟練從暖、熱兩缸野葛菜水中各取一些，在白瓷碗中混合成溫度恰到好處的涼茶，端在手上感覺是溫溫的，可以直接飲用。枱面上還有海鹽，可以自行添加，據說這樣做下火排毒效果更好。野葛菜水由野葛菜、龍脷葉、羅漢果、蜜棗、果皮等煲成，有濃郁的草本香氣，味道鹹鹹甜甜，怕苦的人也可以放心飲。明明入口是溫熱的，但是降溫效果比凍飲更好，飲完瞬間感覺神清氣爽。

（來源：《香港仔》2026年7月17日P04）