朱茵與黃貫中以愛維護家庭 以朋友身份陪女兒度青春期

香港文匯報訊（記者 梁靜儀）朱茵日前受邀出席校園活動，到訪東華三院周演森小學，接受一班由學生化身的「小記者」訪問，分享不少演藝心得、經歷及與家人相處關係，大受師生們歡迎。對於同學的提問，朱茵表現親切，逐一細心回答，更大讚多位「小記者」表現精靈、思路清晰，笑言絕不能睇少現今的小朋友。

育有一名女兒的朱茵，坦言此行使她勾起女兒小學生活點滴：「重返小學校園，勾起嘅最大回憶係以前去學校睇阿囡表演，當小學家長好幸福，可以參與到阿囡校園生活，中學就已經冇咁多機會進入校園了，所以每當有機會踏進小學，內心充滿溫馨同開心嘅感覺。」

提起愛女黃鶯，朱茵透露對方已進入反叛青春期，跟女兒的相處方式亦要改變：「𠵱家要做佢嘅朋友，聆聽佢嘅內心世界，信任她，提自己唔好擺媽媽款，希望用啲溫和方式令佢容易接受，慢慢成長。」

朱茵續稱與老公黃貫中都不是怪獸家長，雖然二人偶有不同想法，但他們都是基於為女兒好：「有啲嘢唔使咁硬嘅，邊個鬧完（個囡）另一個就做和事老，我哋盡可能畀空間同自由度個囡決定，引導女兒選擇正確道路，教佢辨別是非，當佢明白之後，自己去改變，咁先可以令家庭和諧。」

朱茵認為成長路上，必須帶給小朋友家庭溫暖，父母永遠都是小朋友最大後盾，會支持他們每個決定，無論是錯是對，都會全家面對，這是現在她們一家正努力學習同實踐，她相信「愛」能將問題迎刃而解。