鬥智非鬥力至啱女生

鬥陣運動看似陽剛味十足，但其實十分適合女生參與，常客Lolly正是其中之一。本身熱愛運動的她一開始只是跟着朋友來體驗，沒料到一試愛上，即使朋友「退坑」後仍一直堅持。

自言家住大西北的Lolly，每趟車程來回差不多要三小時，不過她仍樂此不疲，每周至少參加活動兩次，「自己本身都好鍾意運動，又覺得鬥陣好特別，其實就算唔落場，場邊睇佢哋都覺得好歡樂，而且鬥陣玩家都很Nice，嚟過幾次之後大家都好熟，感覺就好似每星期同朋友嘅固定聚會。」雖然鬥陣常常要拿「武器」攻擊對手，但Lolly認為這個運動其實挺適合女生：「大家都唔會刻意好大力去打，策略其實比較重要，每種武器都有不同的技巧和玩法，最重要是找到適合自己的角色，我身形比較嬌小同靈活，除左雙匕首之外，我最叻就係做跑者攞分，所以其實女仔都可以發揮到好大作用。」

新手評價「易學難精」

而「細黃」則是初次體驗鬥陣的新手，本身有玩開腰旗美式足球的他認為，鬥陣容易上手之餘亦有挑戰性：「我小時候鍾意睇Star Wars，在Ig睇到片之後就好想試，都抽左幾次籤先抽中來玩。鬥陣其實易學難精，規則同腰旗美式足球差不多，但多了武器變化更大，策略性更強。」他認為香港頗適合鬥陣發展，不過場地可能是最大問題，「玩鬥陣要播音樂同鼓聲，夜晚玩可能會嘈到人被投訴，如果有合適場地可以隨時玩，我相信發展空間會幾大。」

創辦人Ever不時會舉辦主題活動和親自設計型格周邊產品，亦有和社區及學校合作舉辦體驗班，希望吸引更多人投入這股鬥陣狂熱。