吳偉豪爆爸爸吳大強勁Sweet

香港文匯報訊（記者 梁靜儀）吳偉豪憑《非常檢控觀》好打又有型的正義警察「展Sir」再度成功入屋，在「蝴蝶花殺手」單元中可謂擔正大旗，除了疑似Big Boss身份引人入勝，劇情還會同時揭出展Sir不為人知的過去，兼交代展Sir、秦湘言（陳曉華飾）及桐桐（游嘉欣飾）之間的三角關係。昨晚一集，吳偉豪最大亮點除了是夠大隻、忠奸難辨的邪氣古怪表情放題，還有就是與父親吳大強真真正正首度合作拍劇的畫面曝光。

吳偉豪全程仇恨及殺氣滿滿的演出，以及Ending一幕不懷好意兼一身「雨衣怪客」造型，令不少網民懷疑「展Sir」極有可能黑化變Big Boss，並再次被他的超強勁胸肌震撼。

雖然吳偉豪與爸爸吳大強之前已於《飛常日誌》中同框，但其實二人第一次正式合作拍劇是始於《非常》。談到當初第一次有監製邀請自己與爸爸合作拍劇，吳偉豪笑言爸爸當時很爽快便答應，並對林志華有信心：「我諗阿爸參加《中年好聲音》入咗公司後，唔止佢希望，我都希望有機會一齊拍劇，所以林志華監製搵我哋同場演出，我哋都深感榮幸。」

劇中，「展Sir」與院長相處恍如父子般溫馨，且「無聲勝有聲」，現實生活中吳偉豪與大強哥的相處亦同樣如此。偉豪稱：「爸爸很Sweet嘅，佢不會特意告訴你佢做咗一啲好Sweet嘅嘢，例如佢會叫啲朋友睇《非常檢椌觀》，又或者留意個仔的動態，但佢唔會同你講返佢做了什麼、叫咗邊個支持你。直到後來我才發現，阿爸原來默默為我做咗咁多嘢，呢啲才Sweet吖嘛。由細到大佢都唔係想我知道佢做咗幾多嘢，而係純粹為咗我而做，呢才Sweet。」