香港文匯報訊（記者 蕭景源）年近歲晚，沉寂一時的佛跳牆騙案再現。灣仔一間玩具店今日（22日）在社交平台貼文指，有未能說流利廣東話的騙徒，假冒新蒲崗一中學的主任，首先聲稱學校要訂購50件玩具，又傳來一張印有「香港可立中學」字眼的卡片，其後又突然要求協助訂購「佛跳牆」。職員大感疑惑，隨即致電學校查詢，揭發並無其事，亦無卡片上的主任。事後校方亦發通告呼籲供應商慎防被騙。
事件隨即在社交平台引發熱議，分析騙徒破綻，紛指騙徒上傳的學校卡片錯漏百出。網民留言指：「未見過學校用Gmail做email域名咁山寨，電郵用gmail就知假啦」、「睇個email都知假啦，學校一定會有學校email俾老師，重要係主任，點會用個人gmail？唔驚主任有咩事離職轉校後起你飛腳咩」、「一間連自己校名domain都無嘅學校，都唔會點有規模啦。最重要係用個人gmail，隨時有機會比離職／調職職員玩野。」
亦有網民進一步分析指，「淨係睇校名都知道係假，間學校全名係嗇色園主辦可立中學」、「主任咁高級，卡片點會只有手提電話而冇固網電話」、「又係自稱中學，但訂d奇怪野。」、「香港只有『可立中學』沒有『香港可立中學』。翻查資料，可立中學的全名應是「可立中學（嗇色園主辦）」。有網民笑言：「體諒下啲騙子讀得書少，如果係叻電腦都唔會用啲咁低質嘅手段騙錢。」
另有網民留言指此類騙已非新鮮事，「我都收過，有鄉音嘅廣東話，話想搞工作坊，叫我過去學校同佢傾。我話WhatsApp傾就得啦，有咩需要要去到學校先傾？同埋你廣東話咁差點做到主任級？」又指「就算正式香港話或英語，都要打去學校查詢，上網找學校正式電話。不是佢咭片電話！香港是提子之都，茂盛過法國葡撻莊園。」有網民則指「就算話約去學校傾，（騙徒）第二日都用其他理由推你。」
可立中學昨日在校網發聲明，指近日發現有不法份子冒充該校職員/老師，向供應商訂購貨品，認為此等行為不僅損害學校聲譽，亦可能令供應商蒙受經濟損失，校方已就此事件向執法部門報案。
該校強調，學校職員不會其以學校名片作為身份證明，而在進行任何大額採購前，校方亦必定會先行報價及動動審批程序；提醒供應商如收到可疑的訂購要求，無論透過電郵或電話，務必先與校方聯絡，以確認真偽，其對任何來歷不明的訂購或付款要求保持高度警惕，共同防範不法行為。
0
已點過讚
0 / 255