渣馬│孭住嗰孫跑全馬? 網民:「根本同虐兒冇分別」

香港文匯報訊（記者 蕭景源）「渣打香港馬拉松2026」今日（18日）舉行，一如既往吸引不少跑手在賽場上扮鬼扮馬，為賽事增添輕鬆歡樂氣氛。惟有市民拍攝到一名男跑手竟孭住一名疑似嬰兒參賽，由網上片段可見，一名戴眼鏡、孭背囊的中年男子，胸前另孭住一名疑似只有半歲大的嬰兒，而號碼布則扣在嬰兒的厚衫上，嬰兒隨着男子的步伐起伏上下不停擺動，影片隨即引起網民熱議，幾乎一面倒斥責該名男子行為極不負責及有虐兒之嫌。

有網民留言道：「直情要告佢疏忽照顧兒童」、「發神經…咁樣（燉）個BB…BB好辛苦。」、「起步見到佢，個bb搖到散，我覺得根本係虐兒」、「跑跑吓唔小心仆街，BB後腦落地」、「應該算虐兒」、「有責任舉報虐兒」，亦有網民指質問片中男事主「有冇考慮小朋友安全？你有事個小朋友邊個照顧？做大人首先要學識用下個腦。」、「根本同虐兒冇分別」，又指片中行為「不鼓勵亦不欣賞，震足全程，咁樣會唔會震壞BB腦部發展？大人已經壞腦，仲想遺害下一代？」

另有網民質疑片中男子孭着的是否真人，以及大會為何會容許如此行為山現：「真B？點解大會容許？」、「個bb真定假架，大會職員見到一定唔俾上線。」、「賽會批準？」有網回應指「應該唔畀上賽道！」

據據大會（香港田徑總會）競賽規則中的參賽資格規定第三條，大會禁止參賽者帶同嬰兒、未滿16歲或任何未有戴上渣打香港馬拉松2026之有效號碼布人士參加及進入賽道範圍，違例者將會被即時要求離開賽道。