「全能」乖女為演唱會救場 鍾鎮濤甜讚鍾懿是最得意「作品」

香港文匯報訊（記者 子棠）新年伊始，鍾鎮濤（B哥）便出發前往新加坡，為他的「及時行樂」巡迴演唱會進行第二站的演出，B哥繼續帶兩名女兒鍾懿（Blythe）及鍾幗，一齊夾Band表演。不過，今次Blythe不單為B哥擔任演唱會表演嘉賓，更臨時充當演唱會的和音員，能包辦幕前幕後，可以說是一個「全能的女兒」，B哥甜讚Blythe是他人生中最得意的「作品」。

在剛過去的周末，B哥在新加坡濱海灣金沙會展中心舉行了「及時行樂」主題演唱會，台灣女星楊謹華與老公到場支持。但就在演出前的一晚，B哥突然收到演唱會總監Polly的消息，表示其中一位馬來西亞的女和音因身體不適，要馬上回馬來西亞就醫，所以不能演出，Blythe得知這消息後，竟自薦為今次演唱會當和音員。

正在北京就讀北京電影學院導演系研究生的她，今次在B哥演唱會上，除了與爸爸及妹妺合唱多首歌曲外，自己還獨唱了《記得》及《小鎮姑娘》兩首歌曲，最後還為爸爸的演唱會擔任和音員，多才多藝。

鍾懿笑言不跟爹哋收人工

對於為何會突然當上和音員，Blythe謂：「因為下晝綵排嘅時候，知道咗和音姐姐唔舒服，個show突然冇咗個女和音。咁當爹哋喺度綵排嘅時候，我就問咗一個工作人員攞咗支咪，然後我就唱和音。之後首歌完咗，我就同爹哋講，其實我可以幫手做和音，佢起初仲話唔使，點知大家發現原來頭先係我唱和音，因為爹哋以為頭先係program（預先錄好的和音），之後知道其實係我做和音之後，都贊成同埋覺得我可以做到。」問到既要做表演嘉賓，又要做和音，會唔會覺得有點分身不暇？她說：「都唔會，因為其實爹哋啲歌，我由細聽到大，都好熟，所以幫佢啲歌做和音，一啲都唔難。」

完show後，總監Polly特別到後台誇讚Blythe，讚她不單唱歌唱得好，而且臨時上陣做和音，都做得非常稱職，Polly笑謂：「Good job Blythe！唔該晒你嘅和音，你可以問你爹哋攞支票，收人工。」Blythe則說：「唔會啦，我同佢冇計呢啲。最重要嘅係爹哋個show可以順順利利，和音姐姐身體快啲好返，所有人都健康快樂。」Blythe不單止「全能」，而且又孝順又乖，難怪B哥在台上介紹她時，形容Blythe是他人生中最得意的「作品」。